Shkup, 13 janar 2025 (MIA) - Komunikacioni në rrugën rajonale 1102, Gjevgjeli-Bogdanc nga ora 09:50 është në ndërprerje në të dy drejtimet për shkak të rëshqitjes së makinerisë për pastrimin e borës, informojnë nga Lidhja Auto-Moto e Maqedonisë.

Paraprakisht Ministria e Transportit dhe Lidhjeve informoi se ekipet kujdestare të NP "Rrugët e Maqedonisë" edhe gjatë natë vazhdimisht ishin në terren dhe kanë pastruar të gjitha rrugët shtetërore me qëllim që t'i mbajnë të kalueshme për komunikacion.

 "Komunikacioni zhvillohet në kushte dimërore në rrugë të lagështa me mbetje bore në rrugë. Shërbimet e NP "Rrugët e Maqedonisë" me gjithë makineritë dhe fuqinë punëtore vazhdojnë të hapin rrugën për qarkullim normal në rrugët shtetërore", thonë nga Ministria.

Apelojnë tek të gjithë drejtuesit e mjeteve që të respektojnë dispozitat ligjore për vozitje në kushte dimërore dhe të kenë pajisje dimërore për veturat e tyre, të lëvizin me kujdes, të respektojnë shenjat e vendosura të komunikacionit dhe të respektojnë rekomandimet e shërbimeve të komunikacionit. sa/

Foto: Arkivi i MIA-s