Shkup, 2 maj 2024 (MIA) - Fronti Evropian bëhet dhe bëhet opsioni më stabil që e lëviz orientimin euroatlantik të Maqedonisë së Veriut si shtegu i vetëm që çon drejt të ardhmes së sigurt, theksoi sot në konferencën për shtyp Bujar Osmani, shef i diplomacisë dhe zëdhënës i BDI-së.

Ai akuzoi se përballë VMRO-DPMNE-së dhe aleatëve të saj, të cilët çdo ditë reciklojnë teza nacionaliste, flirtojnë me interesa proruse dhe rrisin tensione mes komuniteteve etnike dhe fetare në vend, Fronti është ai që garanton stabilitet dhe bashkëjetesë, duke i bashkuar të gjitha komunitetet në misionin për një jetë më të mirë dhe më të pasur në BE.

"Nga këtu, qytetarët më nuk munden dhe nuk duhet t'u besojnë atyre që duan të na kthejnë prapa në proceset që i kemi çuar përpara me aq mund dhe sakrificë në rrugën drejt paqes, bashkëjetesës, NATO, SHBA dhe BE. Për këtë u bëjmë thirrje mbështetësve të opozitës që më 8 maj ta mbështesin Frontin Evropian dhe ta përforcojmë pozicionin politik jo vetëm të shqiptarëve, por edhe të bashkësive etnike kundër kërcënimit arrogant për majorizim që e bën korin jopërgjegjës të VMRO-DPMNE-së", tha mes tjerash Osmani.

Osmani, i cili ka qenë edhe kandidat për president të shtetit i Frontit Evropian, por nuk kaloi në rrethin e dytë, theksoi edhe se rrethi i parë i zgjedhjeve presidenciale më 24 prill ka dëshmuar se koalicioni i tyre është fitues dhe çelësi për të ardhmen evropiane të vendit.

"Pa dyshim, Fronti Evropian është i vetmi opsion që do të prodhojë stabilitet qeveritar me më shumë se 20 mandate deputetësh. Fronti Evropian është i vetmi opsion që do të jetë në gjendje të sigurojë një shumicë sipas Badenter, pa të cilën asnjë qeveri në Maqedoninë e Veriut nuk mund të mbijetojë. Fronti Evropian është i vetmi opsion që do të mund të diktojë një orientim të qartë perëndimor të vendit tonë dhe në vitin 2030 do të jemi të vendosur në BE dhe në një aleancë të qëndrueshme me SHBA-në", tha Osmani, duke nënvizuar se SHBA-ja është pa mëdyshje aleati ynë kryesor me të cilin gjatë mandatit të tij si ministër i Punëve të Jashtme, shteti e filloi dialogun strategjik.

Ky partneritet, shtoi ai përfshin pesë fusha kyçe, për të cilat kanë plane konkrete dhe aksione - sigurinë e vendit, sundimin e drejtësisë, fushën ekonomike dhe kulturore, si dhe heqjen e regjimit të vizave me SHBA-në, të cilatjanë pikat kryesore, në të cilat do të përqendrohet potenciali i tyre në mandatin e ardhshëm. Deri më tani kemi dhënë shumë detaje se çdo qëllim të projektuar së bashku e kemi realizuar, së bashku do ta tejkalojmë edhe këtë sfidë sa më afër BE-së dhe SHBA-së, sa më larg Rusisë.

I pyetur nga një gazetar se BDI-ja nuk është treguar si partner potencial i koalicionit nga asnjëra nga dy partitë dominuese në bllokun maqedonas, Osmani deklaroi se qëllimi i tyre nuk ka qenë kurrë të jenë partner i dëshiruar i VMRO-DPMNE-së dhe LSDM-së, por partner i dëshiruar dhe përfaqësues i popullit dhe gjykoi se të gjitha përpjekjet për të nënvlerësuar shumicën e dytë në çdo zgjedhje pas vitit 2002 janë të kota.

"Marrëveshja kornizë e Ohrit çoi në nevojën për dy shumicë - 61 deputetë si shumicë absolute dhe shumicë sipas Badenter. Dy shumica janë të nevojshme për një qeveri të qëndrueshme dhe një parlament të qëndrueshëm dhe prandaj ne ndonjëherë harrojmë dhe mendojmë ende me konceptin para Marrëveshjes kornizë dhe vitit 2001 kur mendojmë vetëm për një shumicë nga 61. Një shumicë shkon gjithmonë me shumicën e dytë, e quajtur shumicë e Badenterit. Ka kaluar koha e mbivotimit, e majorizimit. Fatkeqësisht, do të duhet ende kohë për të kuptuar logjikën e Marrëveshjes kornizë dhe mekanizmave të vendosura nga Marrëveshja kornizë me dy shumicat e kërkuar nga 61 dhe shumica e Badenterit", shpjegon Osmani.

I pyetur se çfarë do të ndodh nëse BDI-ja fiton në bllokun shqiptar më 8 maj dhe partitë nga blloku maqedonas nuk e quajnë fitues Osmanin, ai tha se e konsideron pyetje fyese dhe theksoi se qytetarët vendosin se kush do ta formojë Qeverinë dhe se nuk mund të formohet qeveri pa shumicë të Badenterit.

"Nuk ka qeveri stabile dhe as parlament funksional pa shumicën e Badenterit", tha Osmani dhe shtoi se ai i Badenterit nuk është vetëm shumica e shqiptarëve por edhe e komuniteteve joshumicë", tha Osmani.

Lidhur me retorikën nacionaliste në këto zgjedhje dhe nëse është nisur nga partia opozitare VMRO-DPMNE apo BDI, ai vlerësoi se fillimisht e ka nisur VMRO-DPMNE me parullat e tyre “Maqedonia përsëri krenare” dhe “Maqedonia përsëri e jotja”, duke i vlerësuar si Parullat shoviniste sepse nënkuptojnë se, siç thotë, “ka kryeministër shqiptar, ka ministër të jashtëm shqiptar, pra Maqedonia nuk ishte krenare, ishte e shqiptarëve dhe tani duhet t’u kthehet sërish maqedonasve”.

Ai theksoi edhe se tashmë efektin e shohim si dy të rinj janë rrahur në Çento, këto janë çështje që na kthyen memorien në rrahjet nëpër autobusë, në rrahjet në shkollat, çështje të cilat konsideronim se i kemi tejkaluar.

I pyetur lidhur me zgjedhjet presidenciale nëse do t'i porosisin qytetarët që të dalin dhe të marrin fletëvotimi, Osmani tha se vendimi se si do të veprojnë do ta marrin në ditët në vijim si koalicion, në të cilën janë të përfaqësuar nëntë parti. mb/

Foto: MIA