Shkup, 6 prill 2024 (MIA) - Kandidati për president nga Fronti Europian, Bujar Osmani sot ka bashkëbiseduar me të rinjtë e Tetovës me temë "Mbajtja e të rinjve në vend.

Osmani, siç bëhet e ditur në kumtesën e Shtabit zgjedhor të tij, ka ndarë vizionin për të ardhmen, me theks fuqizimin e politikave rinore drejt perspektivave dhe progresit.

Ai porositi që "të rinjtë me një kuptim  tjetër  për zhvillimin teknologjik të botës, të jenë pjesë e dizajnimit dhe arkitektët e politikave shtetërore për të ardhmen e njerëzve".

"Në lidhje me arsimin e të rinjve Osmani theksoi se duhet të përgatisim njerëz për tregun e punës të pas 40 viteve, a të dhënat flasin se 'AI' do të shkurton rreth 50 për qind të vendeve të punës vetëm për 10 vite, dhe ne duhet të përgatisin të rinjtë për atë treg të punës për dekadat që vijnë, dhe presidenti do të jetë një prej atyre që do nxit një vizion të rij për procesin arsimor, ku kreativiteti dhe inovacioni do të jetë po aq i rëndësishëm sa shkrim leximi", tha Osmani, duke shtuar se Shkenca duhet të ndahet si ministri në vete dhe të fuqizohet roli i saj.

Ai u zotua se do të iniciojë kuota, në lista për deputetë, deri në 27 vjet. Sikur për femrat që është 30 për qind.

"Siç e kemi bërë me barazinë gjinore, me kuota ligjore, propozimi im do të jetë gjithashtu që edhe mosha rinore deri më 27 vjet, të jenë me kuota fikse në listat për deputetë që të garantojmë që perspektivat e tyre të inkuadrohen edhe në organin më të rëndësishëm ligjvënës siç është Kuvendi, por ngadalë- ngadalë edhe të krijohet instinkti ose një kulturë e mjaftueshme inkluzive për të rinjtë", deklaroi Osmani. fc/

Fotografia: Shtabi i kandidatit për president të Republikës së Maqedonisë së Veriut, Bujar Osmani