Shkup, 4 shkurt 2024 (MIA) - Sot vendi po shënon 152 vjetorin e lindjes së revolucionarit Goce Dellçev, vizionarit, i cili më shumë se një shekull më parë e kuptoi botën si fushë për një garë kulturore të kombeve.

Për nder të lindjes së  madhështorit  të veprës së madhe revolucionare dhe shtetësisë maqedonase Goce Dellçev, disa delegacione do të vendosin lule në kishën "Shën. Spas” në Shkup.

Siç është paralajmëruar, lule do të vendosë presidenti i shtetit Stevo Pendarovski dhe delegacioni parlamentar i kryesuar nga nënkryetari i Kuvendit Goran Misovski, në përbërje të të cilit janë edhe deputetet Marija Georgievska dhe Velika Stojkova-Serafimovska.

Delegacioni qeveritar i kryesuar nga zëvendëskryeministri i parë për çështje evropiane Bojan Mariçiq, ministrja e kulturës Bisera Kostadinovska - Stojçevska dhe zëvendësministri i transportit Bekim Rexhepi do të vendosin lule në vendpushimin e përjetshëm të Goce Dellçevit.

Një delegacion qeveritar i përbërë nga ministri i Bujqësisë, Pylltarisë dhe Menaxhimit të Ujërave Lupço Nikolovski, ministrja e Mjedisit dhe Planifikimit Hapësinor Kaja Shukova dhe Robert Alagjozovski, koordinator nacional për ndërkulturalizëm, një shoqëri, zhvillim Kulturor dhe bashkëpunim do të vendosin lule në monumentin e Goce Dellçevit në Parkun e qytetit në Shkup.

Në shënimin e sivjetëm nuk është paralajmëruar ardhja e një delegacioni zyrtar nga Bullgaria, siç ndodhi edhe vitin e kaluar.

Foto: Arkivi i MIA-s