Ohër, 20 korrik 2024 (MIA) - Qendra Rajonale për Menaxhimin e Krizave në Ohër, informon se Njësia Territoriale e Zjarrfikësve të Makedonski Brod është njoftuar për një zjarr në atarin e fshatit Tazhevë, në drejtim të Borova Breznicës, ku digjet pylli me pisha.

Sipas QMK-së, zjarri po përhapet në drejtim të Tazhevës dhe nëse kalon vijën e kreshtës midis Borova Breznicës dhe gropës së lumit Oça, do të jetë e vështirë të shuhet sepse është bimësi e dendur pyjore dhe e vështirë për t'u aksesuar në terren në një shpat të 50 deri në 60 gradë me një thellësi të madhe. Si e tillë, thonë nga QMK, jo vetëm që është i paarritshëm nga toka, por do të jetë i vështirë edhe shuarja me aeroplanë.

Fillimisht në terren kanë dalë katër punonjës nga Ndërmarrja Publike për Menaxhimin dhe Mbrojtjen e Zonës shumë qëllimëshe “Jasen”, ndërsa nga mëngjesi i sotëm ky numër është shtuar me dhjetë punëtorë të tjerë, me një mjet të vendosur në terren të specializuar për shuarjen e zjarreve në pyje.

Është planifikuar të intervenojnë ekipe nga NJTZ "Makedonski Brod" dhe nga njësia komunale e NP "Pyjet Kombëtare", dhe nëse situata bëhet më e ndërlikuar do të kërkohet intervenim nga ajri. sa/

Foto: QMK Ohër