Kajro, 27 mars 2025 (MIA) - Të paktën gjashtë persona dyshohet se kanë humbur jetën, ndërsa nëntë janë të lënduar në një aksident me një nëndetëse turistike që u fundos mëngjesin e sotëm në Detin e Kuq pranë resortit egjiptian Hurgada, njoftoi Bi-Bi-Si, duke cituar burime lokale. Mes të lënduarve, katër persona janë në gjendje kritike, ndërsa 29 udhëtare janë shpëtuar dhe janë transportuar në spitalet e afërta. Siç konfirmohet nga Ambasada Ruse në Kajro, të gjithë turistët në nëndetëse ishin rusë.

Hurgada është një destinacion popullor turistik i njohur për plazhet dhe shkëmbinjtë koralorë.

Besohet se në bordin e nëndetëses në momentin e aksidentit ndodheshin rreth 40 turistë. Sipas informacioneve nga korrespondentët e Bi-Bi-Si në Kajro, nëndetësja quhej Sinbad dhe është fundosur në afërsti t[ portit Hurgada.

Nëndetësja Sinbad ka vite që transporton turistë për të eksploruar botën nënujore të Detit të Kuq, ndërsa sipas ueb-faqes së kompanisë që e operon, është një nga vetëm 14 nëndetëset e vërteta turistike në botë. Ajo mund të pranojë maksimumi 44 udhëtare dhe zbret në një thellësi prej 25 metrash, duke ofruar pamje prej rreth 500 metrash të shkëmbinjve koralorë. ls/

Foto: Arkivi i MIA-s