Shkup, 1 maj 2024 (MIA) - Një javë para mbajtjes së zgjedhjeve parlamentare dhe rrethit të dytë të zgjedhjeve presidenciale, vazhdojnë përplasjet mes partive, ndërsa në fokus janë edhe kushtet e partive për koalicionimet pas zgjedhjeve.

Edhe nga VMRO-DPMNE dhe nga LSDM bëjnë thirrje për dalje masive. VMRO-DPMNE pret fitore të dyfishtë, ndërsa nga LSDM porosisin se me të ardhmen e shtetit nuk ka tregti dhe se rruga e vetme është eurointegrimi.

Lideri i VMRO-DPMNE-së Hristian Mickoski në tubimet e djeshme tha se porosia nga qytetarët është e qartë dhe se shteti do të jetë krenar, dinjitoz dhe i transformuar. Pret fitore bindëse të Gordana Siljanovska-Dvakovës si kandidate presidenciale në kolaicionin "Maqedonia jote".

Për koalicionimin me opozitën shqiptare VLEN dhe për ndryshimet kushtetuese tha se do të bisedohet pas zgjedhjeve. Theksoi se ai dhe partia e tij nuk funksionojnë në bazë të shantazheve dhe kërcënimeve dhe se tani për tani VMRO-DPMNE është e fokusuar në zgjedhje, ndërsa pas përfundimit të tyre do të ulen në tryezë me partitë politike.

Për BDI-në dhe për qëndrimin e liderit të partisë Ali Ahmeti i cili thirret në Marrëveshjen e majit, Mickoskin thotë se kjo parti duhet të shkojë në opozitë.

Nga BDI, ndërkaq, thonë se askush nuk mund ta kontestojë legjitimitetin e tyre dhe se deputetët nga Fronti evropian janë përfaqësues të të gjithë popujve të prezantuar në këtë platformë.

Nga opozita e bashkuar shqiptare VLEN presin që dallimi në vota nga rrethi i parë i zgjehdjeve presidenciale në bllokun shqiptar të pakësohet në zgjedhjet parlamentare sepse thonë votat e BDI-së nuk janë vetëm nga shqiptarët, por nga nëntë parti politike. Koncept të pastër shqiptar, siç deklaroi dje lideri i Lëvizjes demokratike, Izet Mexhiti, është VLEN-i dhe ata i kanë votat vetëm të shqiptarëve.

Nga LSDM porositën se nuk pranojnë kushtëzime dhe marrëveshje politike me askë sepse, siç thonë, nuk ka tregti me të ardhmen e shtetit.

Ai theksoi se janë të fokusuar ta arrijnë rezultatin më të mirë në zgjedhjet e ardhshme më 8 maj dhe u bëri thirrje për mobilizim të gjitha forcat demokratike dhe progresive në mënyrë që të parandalohet kthimi i regjimit të VMRO-DPMNE-së.

Nga E Majta dje porositën se ofrojnë platformë maqedonase, me të cilën, siç thonë, do të ndalohet shantazhimi nga pakica shqiptare gjatë formimit të qeverisë së ardhshme. ab/

Foto: МIА arkivi