Shkup, 4 dhjetor 2024 (MIA) - Një grua gjashtëdhjetë e nëntë vjeçare ka ndërruar jetë, ndërsa një i mitur është dërguar në Qendrën urgjente, pasi dje kanë rënë nga një ndërtesë në Komunën e Kisella Vodës. 

Siç njoftojnë nga MPB-ja, dje në orën 19:40 në SPB Shkup është denoncuar se në territorin e Kisella Vodës dy persona kanë rënë nga një ndërtesë.

Pjesëtarët e policisë kanë dalë në vendin e ngjarjes ku është konstatuar se gruaja D.S. (69) nga Shkupi nga lëndimet e marra ka ndërruar jetë në vendin e ngjarjes, ndërsa i mituri nëntë vjeçar nga Shkupi ka pësuar lëndime dhe është transportuar në Kompleksin e klinikave “Nënë Tereza” për t’iu ofruar ndihmë. Po merren masa për zbardhjen e rastit. qa/

Foto: arkivi i MIA-s