Ndalesë për qarkullim për automjete të rënda transportuese tek Uzem - VK Deve Bair dhe Kriva Pallankë - Deve Bair, është hequr ndalesa për kamionë në rrugën Manastir - Resnjë
Shkup, 25 dhjetor 2024 (MIA) - Për shkak të reshjeve të borës, sot nga ora 10 do të ndërpritet qarkullimi për automjetet e rënda transportuese në aksin rrugor fshati Uzem – vendkalimi kufitar Deve Bair, kumton NP "Rrugët e Maqedonisë".
LAMM informon se për shkak të reshjeve të dendura të borës, nga ora 09:55 në rrugën Kriva Pallankë drejt Deve Bair është vendosur ndalesë për qarkullim të automjeteve transportuese.
Nga ora 09:15 në rrugën Manastir – Resnjë në Qafën "Gjavato" dhe anasjelltas, përfundon ndalesa e qarkullimit për automjetet e rënda transportuese.
Komunikacioni në rrugët shtetërore po zhvillohet në kushte dimërore, nëpër rrugë të lagështa, në disa vende me mbetje të borës në rrugë, pas intervenimit të ekipeve kujdestare të NP "Rrugët e Maqedonisë". rq/bsh/
Foto: arkivi i MIA-s
