Shkup, 30 mars 2026 (MIA) - Nëna e të ndjerës Ivana Jovanovska, Lubica Stojanovska, në dëshminë e saj para Gjykatës Themelore Penale Shkup paraqiti detaje të reja në lidhje me, siç tha, dhunën e gjatë fizike që vajza e saj e duroi nga bashkëshorti i saj Stojançe Jovanovski.

Ajo bëri të ditur se vajza e saj është sulmuar në vitin 2025 në banesën e tyre pas çka ajo arriti të arratisej, ndërsa rasti u denoncua në polici, megjithëse më vonë, nga frika, Ivana nuk nënshkroi procesverbalin. Dëshmitari përshkroi në detaje incidentin në autostradë pas kthimit nga një dasmë në Shtip, si dhe hospitalizimin e Ivanës në Klinikën e Kirurgjisë Abdominale për shkak të dhimbjeve të barkut të shkaktuara, sipas mjekëve, nga goditjet, që i pandehuri e ka shtyrë poshtë shkallëve para vajzës së tyre gjashtë vjeçare Katja.

 Duke përshkruar një ngjarje të vitit 2025, nëna e Ivanës, Lubica Stojanovska, tha se pas debatit në banesë, i pandehuri e ka sulmuar vajzën e saj duke u përpjekur që t'ia merrte telefonat.

"Stojançe nuk ka shkuar në punë dhe mbasi ajo i tha, kishte një grindje, ai donte t'i merrte telefonat. Ajo kishte mavijosje dhe qafa e saj ishte e kuqe, ai e ka mbytur. Ai donte të shihte nëse ajo ka kontaktuar me dikë. Disi ajo ka arritur të dilte nga banesa. Më thirri nëna e Martin Sazdovit, shokut të Stojançes, dhe më tha se Ivana u sulmua nga burri i saj dhe disi ka arritur të dilte nga banesa dhe më këshilloi të denoncoj në polici sepse ajo u sulmua fizikisht nga burri i saj dhe ata nuk e dinë se ku është për momentin", deklaroi Stojanovska.

 Sipas deklaratës së saj, Ivana dhe ajo më pas kanë dhanë deklaratë në Stacionin e Policisë Karposh, por vajza e saj, nga frika, nuk i nënshkroi procesverbalet të nesërmen.

Në dëshminë e saj, ajo gjithashtu vuri në dukje një incident që ndodhi vitin e kaluar në autostradë pasi po ktheheshin nga një dasmë në Shtip kur i pandehuri, pas një grindjeje në makinë, i ka lënë Ivanën dhe vajzën në rrugë.

"Ivana, Katja dhe Stojançe ishin në një dasmë te kushëriri i Stojançes në Shtip dhe gjatë kthimit, sa e di unë, është dashur të kthehen natën, Ivana ka gabuar t'i tregojë ku të kthehej dhe të lidhet në autostradë, ata janë grindur, ai i ka përzënë, i ka nxjerr Katjën dhe Ivanën nga makina në autostradë. Ai e ka goditur, e ka shqelmuar Ivanën, madje Katja pranoi "babi më goditi edhe mua" dhe Stojançe është larguar. Ai ka braktisur Ivanën dhe Katjëa në autostradë", tha nëna e Ivanës.

Dëshmitari para Gjykatës ka dëshmuar edhe për ngjarjet pas janarit të këtij viti, kur Ivana u shtrua me urgjencë në spital për shkak të dhimbjeve të forta të barkut. Pasi u ekzaminua në disa klinika, ajo u ndalua në Klinikën e Kirurgjisë Abdominale.

 "Mjekët më thanë se këto dhimbje janë nga një goditje dhe një hematon bëhet brenda barkut, me atë që kur prishet është shumë akute dhe vlerat janë shumë të larta. Ata e këshilluan atë të qëndronte, sepse ndonjëherë edhe për disa minuta mund të hapen dhe të reagojnë", tha Stojanovska

Sipas fjalëve të saj, gjatë vizitës në Klinikë, i pandehuri e ka sulmuar sërish Ivanën dhe e ka shtyrë poshtë shkallëve para vajzës Katja.

"Dhoma ishte bosh dhe u shfaq kryeinfermierja e të gjithë Kirurgjisë në korridor me Ivanën dhe më pyeti nëse e dija se çfarë kishte ndodhur. Kryeinfermierja e solli Ivanën në një dhomë, pastaj erdhi policia dhe më tha se Stojançe ka qenë për vizitë te Ivana dhe ata kanë dalur te ashensorët në hyrje të Departamentit të Kirurgjisë, ata janë zënë me fjalë, ai ka dashur t'ia marrë telefonat e saj për të parë se me kë po komunikonte sepse ka qenë në spital. Para syve të Katjas, ai e ka shtyrë Ivanën poshtë shkallëve, një infermier ka vrapuar dhe e ka marrë Ivanën dhe menjëherë është organizuar për të bërë një kontroll kompjuterik në kokën e saj, ndërsa Katjën e kanë marrë infermieret dhe e kanë pyetur nëse donte të hante. Katja e vogël u tha infermierëve të Departamentit se ajo kishte ngrënë vetëm gjevrekë një ditë më parë dhe se Stojançe nuk i kishte dhënë asgjë për të ngrënë, e kishte mbyllur në shtëpi dhe kishte shkuar për të ushtruar", dëshmoi nëna e Ivanës së ndjerë.

 Ajo shtoi se të nesërmen Ivana doli nga spitali me kërkesën e saj, pavarësisht se, siç tha ajo, gjendja e saj shëndetësore nuk ka qenë në rregull.

Paraprakisht, nëna e Ivanës dëshmoi se vajza e saj për vite me radhë kishte jetuar në frikë nga bashkëshorti i saj Stojançe Jovanovski , me plagë të dukshme, nën kontroll të vazhdueshëm dhe me mendimin e vazhdueshëm se do t'ia marrin vajzën e saj

 Gjyqi kundër Stojançe Jovanovskit filloi sot në Gjykatën Themelore Penale Shkup, ndërsa gjykata nuk e pranoi pranimin e tij të pjesshëm të fajësisë dhe vendosi të vazhdojë procedurën duke paraqitur prova.

Megjithëse Jovanovski u deklarua fajtor në fillim të seancës për dy nga tre veprat penale për të cilat akuzohet, ai theksoi para gjykatës se ishte detyruar nga një dëshmitar në procedurë, pas çka gjykata arriti në konstatimin se deklarata nuk ishte dhënë vullnetarisht.

"Për dy veprat e para ndihem fajtor, por për veprën e tretë nuk ndihem fajtor. Ndihem fajtor dhe i pran veprat penale, konkretisht: lëndim trupor sipas nenit 130 paragrafi 2 në lidhje me paragrafin 1 të Kodit Penal, si dhe veprën penale të rrezikimit të sigurisë sipas nenit 144 paragrafi 3 në lidhje me paragrafin 1 të Kodit Penal. I kam bërë në kohë, mënyrë dhe vend siç përshkruhet në aktakuzë. Por unë nuk ndihem fajtor për veprën penale të shkaktarit për të bërë vetëvrasje dhe ndihmës në vetëvrasje"i tha i pandehuri i parë para gjykatës.  

foto: arkivi i MIA-s