Shkup, 10 dhjetor 2024 (MIA) - Kryeministri Hristijan Mickoski sonte njoftoi se në seancën e sotme të qeverisë ka kaluar edhe vendimi për pjesën e dytë të huasë hungareze në një vlerë prej 500 milionë euro.

Këto mjete, siç deklaroi Mickoski, do të jenë operative nga viti i ardhshëm dhe do të jenë të destinuara për shlyerjen e borxhit për eurobondin e marrë nga qeveria e mëparshme. 

  "Këto fonde nevojiten sepse më 25 janar skadon eurobondi i marrë në vitin 2018 nga qeveria e mëparshme. Me këtë do ta shlyejmë borxhin, domethënë çfarëdo që të jetë qeveria e ardhshme nuk do të ketë asnjë detyrim për të paguar eurobond", tha Mickoski në debatin e hapur sonte në Radio Televizionin e Maqedonisë. 

Fondet nga pjesa e parë kredisë në vlerë  gjithashtu  prej gjysmë miliardë euro janë të destinuara për kompanitë dhe vetëqeverisjet lokale.

 Foto: Printskrin