Shkup, 9 dhjetor 2023 (MIA)  -  Një shtëpi mbrëmë është përfshirë në flakë në Kërçovë në të cilën është gjetur i vdekur pronari i saj 79-vjeçar. Në Komunën e Aerodromit të Shkupit, megjithatë, një makinë është djegur, ndërsa flakët kanë përfshirë edhe dy makina të tjera.

 Ministria e Punëve të Brendshme në buletinin ditor ka njoftuar se sot në orën 04:45 në DPB Kërçovë është raportuar se në një shtëpi në Kërçovë në pronësi të T.J.(79) nga Kërçova është përfshirë në flakë.

 "Gjatë ndërhyrjes së Zjarrfikësve Territorial është gjetur i pajetë pronari i shtëpisë. Ka konstatuar vdekjen mjeku i Ndihmës së Shpejtë Mjekësore, ndërsa ekspertizë  ka kryer ekipi inspektues nga DPB Kërçovë, informoi  MPB-ja.

 Në orën 04:35 në SPB Shkup A.S. (41) nga Shkupi ka raportuar se në rajonin e Aerodromit  është djegur makina e tij "Ford Fiesta" me targa të Shkupit.

 "Nga zjarri janë përfshirë edhe dy makina tl tjera me targa të Shkupit  - "Ford" në pronësi të G.M. (42) dhe një "Audi" në pronësi të T.K.(49), të dyja nga Shkupi", thuhet në buletinin e policisë.

 Zjarri është shuar nga Brigada për Mbrojtje nga Zjarri,  dhe nuk ka persona të lënduar. Është kryer ekspertizë nga ekipi inspektues nga SPB Shkup dhe po ndërmerren masa për zbardhjen e ngjarjes.

 Foto: Arkivi i MIA-s