Gostivar, 20 gusht 2022 (MIA) - Në votim për kryetar të komunës së Mavrovës dhe Rostushës deri në orën 15, të drejtën e votës e kanë realizuar 3.423 persona, gjegjësisht 34,41 për qind nga numri i përgjithshëm i qytetarëve të regjistruar në  listën zgjedhore, informon KKZ-ja  Mavrovë Rostushë. Sipas kryetares së KKZ-së, Ivana Gjorgjievska, procesi zgjedhor po zhvillohet në një atmosferë të drejtë dhe demokratike dhe nuk ka ndërprerje të procesit zgjedhor. Në këtë komunë, të drejtë të votës kanë 9.948 qytetarë të cilët të drejtën e realizojnë në 39 vendvotime. Për zgjedhjen e kryetarit të  komunës votohet në një raund, sepse janë dy kandidatë. ar/