Shkup, 28 dhjetor 2024 (MIA) - Moti sot në mëngjes do të jetë i ftohtë me kushte për mjegull në disa lugina, ndërsa gjatë ditës me diell me vranësira të lehta deri mesatare lokale, të cilat pasdite do të zvogëlohen. Do të fryjë erë e lehtë deri mesatare nga drejtimi verior, e cila kohë pas kohe do të përforcohet përgjatë lumit Vardar dhe në pjesët lindore.

Temperaturat minimale do të lëvizin në intervalin -5 deri në 3, ndërsa maksimalja do të arrijë në 3 deri në 10 gradë Celsius.

Në Shkup do të mbajë mot me diell me vranësira të ndryshueshme dhe ftohtë. Do të fryjë erë mesatare, në disa pjesë të luginës erë mesatare deri e fortë veriore. Temperatura minimale do të zbresë deri në -1, ndërsa ajo maksimale do të arrijë në 9 gradë.

Sipas njoftimeve të Drejtorisë për Punë Hidrometeorologjike (DPHM), ditët në vijim do të jenë stabile dhe të thata me temperatura të ulëta të mëngjesit, ndërsa gjatë ditës do të ketë rritje graduale. Në disa zona do të ketë mjegull dhe temperatura gjatë ditës do të jetë më e ulët. Shtresa e borës do të ulet gradualisht. mb/