Gostivar, 6 shtator 2023 (MIA) - Me ngjarje multimediale në Gostivar, si pjesë e karvanit "Lër gjurmë" dhe fjalime të ministres së Punës dhe Politikës Sociale, Jovanka Trençevska dhe ambasadorit të BE-së, Dejvid Gir, u dërguan porosi të rinjve që ta rrisin pjesëmarrjen e tyre shoqërore dhe ngritjen e vetëdijes për barazi në shoqëri. 

Euroambasadori Gir para të pranishmëve në parkun afër ndërtesës komunale foli për aktivizmin e tij nga ditët rinore, kur, siç tha, besonte se mund ta ndryshojë botën edhe në mjedise të vogla si vendlindja e tij. Gir në deklaratë për MIA-n përmendi se Gostivari është vend ku është i shprehur multikulturalizmi.

Ministrja Trençevska më fjalimin e tij foli për aktivizmine  saj në fushën e barazisë gjinore, dhe, siç përmendi, përfaqësimi  procentual i grave në parlament tek ne është edhe më i madh se në Evroë, ndërsa si shtet jemi më të mirët në rajon.

Karvani "Lër gjurmë" ka për qëllim të rinjtë të nxiten ta rrisin pjesëmarrjen e tyre shoqërore, aktivizmin dhe ngritjen e vetëdijes për barazi në shoqëri.

Serinë e ngjarjeve publike e cila është titulluar "Eja dhe rrëfeje tregimin tënd - Lër gjurmë" e zbaton Instituti për menaxhim të mirë dhe perspektiva euroatlantike në bashkëpunim me Ministrinë e Punës dhe Politikës Sociale dhe me mbështetje të projektit për luftë kundër urrejtjes dhe mostolerancës nga programi i përbashkët i BE-së dhe Këshillit të Evropës "Instrumenti horizontal për Ballkanin Perëndimor dhe Turqinë". ab/

Foto: МIА