Tetovë, 23 shtator 2023 (MIA) - Qendra për Menaxhim me Kriza (QMK) informon se për të dytën ditë radhazi është aktivizuar mbështetja ajrore për ekipet e zjarrfikësve për zjarrin në malin e Suva Gorës në pyllin mbi fshatin Miletinë të komunës së Bërvenicës. Sot veprojnë dy avionë kundër zjarreve "Ertraktor” dhe një helikopter policor.

"Kemi djegie aktive në disa degë. Zjarri ka përfshirë barin nëpër pyje, pisha dhe po shkakton dëme. Shpresoj që pemët të mbijetojnë dhe të mos thahen. Sot herët në mëngjes kemi filluar shuarjen e zjarrit me dy 'Ertraktorë' të DMSH-së, ndërsa përveç kësaj do të angazhohet edhe një helikopter policor", tha drejtori i QMK-së, Stojançe Angellov.

Zjarri ka rënë dje gjatë mesditës, pasdite është shuar nga zjarrfikësit si dhe nga tre “Ertraktor” dhe një helikopter, por gjatë natës përsëri është aktivizuar.

"Krahas përpjekjeve për të vënë nën kontroll zjarrin, nuk pati sukses. Era, e cila fryn vazhdimisht ndryshon drejtimin e saj si dhe për shkak të vegjetacionit të thatë, si këto pisha në tokë, duke e bërë edhe më të vështirë shuarjen e këtij zjarri", tha Angellovi.

Që nga agimi punohet në shuarjen e zjarrit, ndërsa intervenojnë edhe punëtorët e NP “Pyjet e Maqedonisë” filiali “Leshnicë”.

foto: QMK