Berlin, 20 nëntor 2023 (MIA) - Liderët e 13-të vendeve afrikane janë në Berlin në Samitin që ka për qëllim forcimin e lidhjeve ekonomike midis vendeve afrikane dhe Grupit të 20 ekonomive lidere botërore (g20), raporton Bi-Bi-Si.

Në Samit marrin pjesë krerët e Beninit, Burkina Fasos, Republikës Demokratike Kongo, Bregut të Fildishtë, Egjiptit, Etiopisë, Ganës, Guinesë, Marokos, Ruandës, Senegalit, Togos dhe Tunizisë, si dhe të Kenias dhe Nigerisë, vende me statusin e vëzhguesit. 

Presidenti i Kenias, Uiliam Ruto tha se qëllimi i iniciativës, ndër të tjera, është mundësi për punësim të kenianëve në Gjermani, në kushte të rritjes së papunësisë në vendin e tij.

Kancelari gjerman Olaf Sholc, i cili i vizitoi Kenian dhe Nigerinë para disa muajsh, ka shfaqir interesim për rritjen e investimeve në Afrikë, veçanërisht në sektorët kryesorë të mineraleve dhe 'energjisë së gjelbër'.

Presidenti i Kenias dje njoftoi se Sholc "i ka premtuar se do t'i japë 200.000 vende pune. Duhet ta shfrytëzojmë atë mundësi", tha Ruto. qa/mb/

Foto: EPA