Bruksel, 19 shtator 2024 (MIA) - Në takimet e sotme me përfaqësuesit e BE-së, konfirmuam përkushtimin e Qeverisë së re për të vazhduar në rrugën e anëtarësimit të plotë të vendit në Bashkimin Evropian, tha ministri i Punëve të Jashtme dhe Tregtisë së Jashtme, Timço Mucinski në fund të vizitës së punës të delegacionit qeveritar të kryesuar nga kryeministri Hristijan Mickoski në Bruksel.

"Do të vazhdojmë të punojmë pozitivisht dhe do të vazhdojmë të japim rezultate, sepse ky është mesazhi kryesor që jep BE-ja që presin rezultate nga ne në fushën e sundimit të ligjit, luftës kundër korrupsionit, sundimit të mirë dhe të gjitha ato politika ku kemi mangësi serioze në shtet", theksoi Mucunski.

Ai theksoi se në atë drejtim është gjithçka konkrete dhe e prekshme që ka bërë Qeveria në më pak se tre muajt e fundit, me qëllim përmbushjen e standardeve më të larta të BE-së, si dhe çfarë ofron si zgjidhje për sfidën që pengon procesin për ngecjen faktike të negociatave të anëtarësimit të vendit me Unionin.

"Në këtë kuptim, mendoj se sot ishte një ditë shumë e suksesshme. Dialogu me institucionet evropiane dhe me shtetet anëtare do të vazhdojë", shtoi Mucunski.

Lidhur me të ashtuquajturat "Propozimi francez plus", gjegjësisht miratimi i amendamenteve kushtetuese me efekt të vonuar, Mucunski ka treguar se disa nga këto çështje janë diskutuar me përfaqësuesit e BE-së dhe se dialogu vazhdon.

"Sigurisht, atë që e themi publikisht, e themi edhe në të gjitha këto takime, që është qartësisht një sfidë e krijuar nga vendimet e këqija të marra në të kaluarën. Dhe po e përsëris, ne po punojmë së pari për të mbrojtur interesin tonë kombëtar për të pasur një rrugë të parashikueshme drejt anëtarësimit të plotë dhe së dyti për të mbrojtur politikën e zgjerimit. Besojmë se me mirëbesim, vullnet të mirë dhe zgjidhje konkrete mund të gjendet një rrugëdalje nga çdo sfidë ekzistuese", thekson Mucunski.

Shefi i diplomacisë së Maqedonisë, së bashku me ministrin për Çështje Evropiane, Orhan Murtezani, e shoqëruan kryeministrin Mickoski në takimet e sotme në Bruksel me kryetarin e Këshillit të BE-së, Sharl Mishel, me Komisarin Evropian për Zgjerim dhe Politikë të Fqinjësisë, Oliver Varheji dhe me kreun e Drejtorisë së Përgjithshme për Fqinjësinë dhe Negociatat e Zgjerimit (DG NEAR), Gert Jan Kopman. Paraprakisht, kryeministri së bashku me liderë të tjerë nga vendet e Ballkanit Perëndimor morën pjesë në një drekë pune të organizuar nga kryetarja e Komisionit Evropian, Ursula fon der Lajen.

Mucunski sot paradite pati një takim edhe me Sekretarin e Përgjithshëm të NATO-s në largim, Jens Stoltenberg, të cilin, siç tha, në emër të vendit tonë e falënderoi për angazhimin e tij në vitet e fundit në garantimin e sigurisë globale dhe standardeve më të larta të mbrojtjes, si dhe për gjithçka që ka bërë për ne si vend, por edhe për Aleancën.

"Angazhimi ynë si anëtare kredibile e NATO-s do të vazhdojë dhe ne do të punojmë vetëm në ndërtimin e të gjitha atyre proceseve pozitive që Qeveria po i tregon tashmë në më pak se tre muajt e parë të saj", shtoi Mucunski. sa/

Foto: MIA