Shkup, 16 gusht 2023

Pse Bekim Sali ka frikë nga e vërteta?

Pse Bekim Sali gënjeu gjithë opinionin publik në konferencën për shtyp? Pra, a dëshiron të fshehë se ai në të vërtetë nuk veproi për çështjen për 8 muaj dhe po përpiqet ta hedhë fajin te dikush tjetër?

A e di Bekim Sali kush ka qenë ministër kur ka ndodhur zjarri dhe kush ka udhëhequr procedurat për prokurimin e ambulantëve, dhe pse ka frikë të përmendë emrat e atyre që kanë qenë në detyrë në atë kohë? Pse dhe çfarë interesi ka ai për të shtrembëruar të vërtetën dhe ti mbrojë paraardhësit e tij?

Bekim Sali ka frikë të thotë se kush është kompania që ka ndërtuar ambulantët modulare?

Gjegjësisht, sipas dokumenteve në Ministrinë e Shëndetësisë, gënjeshtër e plotë është ajo që Sali tha në konferencën për shtyp në të cilën pretendoi se ai ndërpreu kontratën me kontraktuesin. Përkundrazi, Sali jo vetëm që nuk ndërpreu kontratën, por mori ambulantët duke miratuar praktikisht pagesën e tyre.

Deri më tani, nga analiza e dokumenteve të brendshme, është e qartë se Sali NUK KA NDËRPRERË KURRË KONTRATËN, ka marrë dhe miratuar ambulantët, të cilat miratuan automatikisht pagesën, dhe më pas vendosi të mos paguajë, duke gjeneruar kështu një borxh dhe interes prej 200,000 euro për qytetarët. Ai personalisht është përgjegjës për këtë dhe duhet të mbajë përgjegjësi. Ministria po analizon mundësitë ligjore për të ngritur procedurë kundër Salit për këtë rast.

Ministria e Shëndetësisë dhe Ministri Mexhiti mbeten transparentë në këtë rast dhe në koordinim të plotë dhe në dispozicion të institucioneve. Është në interesin tonë të sqarojmë këtë rast dhe të procedojmë këdo që është në ndonjë mënyrë përgjegjës për zjarrin në Spitalin Modular të Tetovës. Të gjitha dokumentet që janë dorëzuar deri më tani me kërkesë të institucioneve, ne i dorëzojmë edhe një herë, pra në Prokurorinë për Krim të Organizuar dhe Ministrinë e Brendshme, dhe  natyrisht ne mbetemi të hapur për bashkëpunim me ta. Kujtojmë se deri më tani nuk është paguar asnjë qindarkë për spitalet modulare dhe procedura për zgjidhjen e këtij rasti është në Qeveri, siç janë mendimet e prokurorisë, auditimi i brendshëm dhe të gjitha dokumentet mbështetëse.

Ministria e Shëndetësisë

___________________________________________________________

MIA këto tekste i publikon në formë integrale dhe nuk mban përgjegjësi për përmbajtjen e tyre.

Foto: МIА