Shkup, 16 korrik 2023 (MIA) - Pas incidentit të djeshëm, Ambasada e Republikës së Maqedonisë së Veriut në Athinë dhe Konsullata e Përgjithshme në Selanik janë në komunikim të vazhdueshëm me përfaqësuesit zyrtarë të institucioneve të Greqisë dhe për të gjitha ndryshimet rregullisht  raportojnë në qendrën e Ministrisë së Punëve të Jashtme në Shkup, njoftoi MPJ.

 Sipas informacioneve të marra nga Konsullata e Përgjithshme në Selanik, e cila është në komunikim të rregullt me ​​spitalin ku ndodhet i plagosuri nga incidenti i djeshëm në Halkidiki, i plagosuri ndodhet në gjendje të qëndrueshme dhe jashtë rrezikut për jetën, qëndron në kumtesën e MPJ-së.

 Nga atje shtojnë se rrjeti diplomatik-konsullor i Maqedonisë së Veriut në Greqi është aktiv, përkundër njoftimeve të rregullta, është në dispozicion edhe për çdo nevojë të institucioneve tona.

Sipas informacioneve të marra nga Ministria e Punëve të Brendshme të Maqedonisë së Veriut, në pjesën e bashkëpunimit operativ menjëherë pas ngjarjes së djeshme shërbimet e të dyja vendeve janë në komunikim të vazhdueshëm dhe shkëmbejnë informacione në dobi të hetimit dhe zbardhjes së rastit. ar/