Shkup, 18 korrik 2024 (MIA) - MPB sot konfirmoi se në Vendkalimin kufitar Jazhincë, në hyrje të shtetit, dje rreth orës 16:00, nëpunës policorë kanë privuar nga liria B.R.(47) nga Kosova, sepse gjaët kontrollimit të pasaportës dhe kontrolleve të kryera u konstatua se në evidencën zyrtare është me masën "arresto", me kërkesë të Interpolit Serbi.

Ai iu dorëzua nëpunëssve policorë nga SPB Tetovë për procedurë të mëtutjeshme.

Paraprakisht, korrespondenti i MIA-s nga Prishtina lajmëroi se Ministria e Punëve të Jashtme dhe Diasporës e Kosovës mbrëmë kumtoi se është informuar për arrestimin e shtetasit të Kosovës nga ana policisë së Maqedonisë së Veirut, në bazë të fletë-arrestit të dhënë nga Serbia.

Nga MPJ e Kosovës informuan se bëhet fjalë për Blerim Ramadanin, ish-pjesëtar i Ushtriës Çlirimtare të Kosovës (UÇK) në Zonën operative Nerodime.

"Ambasadori ynë në Maqedoni të Veriut, z. (Florian) Qehaja, intensivisht angazhohet për zgjidhje të këtij rasti dhe si Ministri e Punëve të Jashtme punojmë me autoritetet e Maqedonisë së Veriut për lirim të shpejtë të z.Ramadani. MPJ do ta informojë opinionin për zhvillimin e mëtejmë të ngjarjeve lidhur me këtë rast", ceket në kumteë. ab/

Fotо: МIА arkivi