Shkup, 13 shtator 2022 (MIA) - Sot në periudhën prej orës 12 deri në orën 16 nga ana e sektorëve të punëve të brendshme dhe ekipeve patrulluese nga nëpunës të policisë nga Departamenti i Policisë së Uniformuar, është zbatuar aksion kontrollues në sferën e komunikacionit në territorin e gjithë shtetit. Siç bëri të ditur MPB, gjatë kontrollit, janë sanksionuar 61 shoferë. Prej tyre, 14 sanksione janë për shkak të mos posedimit të vërtetimit të mjekut, shtatë masa për mospërdorim të rripit të sigurisë, katër sanksione për vozitje pa patentë shoferi, ndërsa 14 vetura janë dërguar në kontroll të jashtëzakonshëm teknik.