Shkup, 10 shtator 2024 (MIA) - Moti sot do të jetë kryesisht me vranësira dhe dukshëm më freskët, në disa vende me shi të rrëmbyeshëm, bubullima dhe erë të përforcuar.

Siç informojnë nga Drejtoria për Punë Hidrometeorologjike, lokalisht do të ketë paraqitje të motit të ligë, me shi të rrëmbyeshëm intensiv(mbi 30l/m2 për 24 orë), bubullima, erë të përforcuar (mbi 70 km/h) dhe kushte për paraqitje të breshërit.

Në Shkup moti do të jetë kryesisht me vranësira dhe jostabil, me shi të rrëmbyeshëm të përkohshëm, bubullima dhe erë të fortë. Në disa pjesë të luginës do të jetë jostabil dhe shi të rrëmbyeshëm intensiv (mbi 20l/m2 për 24 orë), bubullima dhe erë të fortë.

Temperatura minimale do të bie deri në 19 gradë, ndërsa maksimalja do të arrijë 24 gradë.

Të mërkurën do të ketë paraqitje të izoluar të jostabilitetit me shi të rrëmbyeshëm dhe bubullima, ndërsa stabilizim kalimtar të motit të enjten.

Nën ndikim të masës së re të lagësht dhe jostabile të premten sërish priten reshje. 

Foto: Arkivi i MIA-s