Shkup, 4 dhjetor 2024 (MIA) - Paradite në disa lugina do të ketë mjegull ose vranësira të ulëta, ndërsa gjatë ditës do të mbizotërojë mot i ndryshueshëm me vranësira dhe kushte për reshje të dobëta lokale shiu.

Sipas parashikimeve të DPHM-së, gjatë natës së të enjtes në pjesët perëndimore do të ketë reshje të shiut, ndërsa në viset më të larta borë. Temperatura minimale do të jetë në interval prej -2 deri 6, ndërsa maksimalja do të arrijë nga 5 deri 10 gradë Celsius. 

Në Shkup paradite do të ketë paraqitje të mjegullës ose vranësira të ulëta, ndërsa gjatë ditës do të mbizotërojë mot i ndryshueshëm me vranësira. Temperatura minimale do të ulet deri 0, ndërsa maksimalja do të arrijë 9 gradë. 

"Në ditët e ardhshme moti do të jetë me vranësira të ndryshueshme, në disa vende me reshje të shiut, ndërsa në viset më të larta me borë. Reshjet e kohëpaskohshme do të jenë më të dendura, veçanërisht në pjesët perëndimore ku në male shtresa e borës do të rritet", njofton DPHM-ja. qa/

Foto: arkivi i MIA-s