Shkup, 26 janar 2024 (MIA) - Në Kuvend sot pasdite është bërë pranim-dorëzimi i funksionit të kryetarit të Kuvendit në mes të kryeparlamentarit të vjetër dhe atij të ri, Talat Xhaferi dhe Jovan Mitreski.

Pas pranim-dorëzimit, kryetari i deritanishëm dhe kryeministër i Qeverisë teknike Xhaferi, në një deklaratë për media i uroi Mitreskit shëndet dhe punë të suksesshme në rrjedhën e mëtutjeshme të funksionimit të Kuvendit.

Ai thekson se nuk ka dyshim se Mitreski do t'i përgjigjet në mënyrë adekuate funksionit, detyrës dhe përgjegjësisë që del nga pozita.

"E përgëzoj për zgjedhjen e tij dhe nuk kam dyshim se do t'i përgjigjet në mënyrë adekuate funksionit, detyrës dhe përgjegjësisë që del nga ai funksion. Pavarësisht nëse dikush  e konsideron kohën 100 ditë, institucioni është edhe një sekondë institucion dhe kuptimi do të thotë deri në momentin e fundit të funksionimit, gjë që nuk kam asnjë dyshim. E informova se aktivitetet programore, ato që duhet të jenë fushëveprimi i punës së Kuvendit këtë vit, sipas ligjeve ekzistuese, janë përgatitur, nënshkruar dhe dorëzuar në kohën e duhur. Për çështjet operative dhe planifikuese, ligjet janë gati dhe mund të veprojnë në zbatimin e tyre. Sipas kushteve kemi një periudhë të shkurtër deri në shpalljen e zgjedhjeve, por kjo tashmë është përgjegjësi e presidentit, tha Xhaferi.

Xhaferi theksoi se me Rregulloren e re kanë krijuar parakushte për të shmangur situatat e pakëndshme në vitet e kaluara.

"U gëzova që patëm mundësinë në këto gati shtatë vite të rijetojmë dhe të përjetojmë të gjitha ngjarjet që na kanë ndodhur, me dëshirën që të mos ndodhin më kurrë. Mendoj se kemi punuar për këtë. Me Rregulloren e re kemi krijuar parakushte për situata të tilla dhe ujëra më të qetë nga mandati i ardhshëm. Kjo është në tërësi", tha Xhaferi.

Kryetari i ri Jovan Mitreski bashkëpunimin  me Xhaferin e vlerësoi si të mirë dhe theksoi se pas ngjarjeve në prill të vitit 2017 është mundësuar funksionimi normal i shtëpisë ligjvënëse. Mitreski tha se në periudhën e fundit gjithashtu është profesionalizuar shërbimi kuvendor.

Ai u falënderua për besimin e dhënë nga ana e deputetëve.

"Dua të falënderoj deputetët për besimin e dhënë. Sigurisht që mbetem i hapur për bashkëpunim dhe për ata deputetë që nuk e kanë dhënë besimin, mund të them se kanë një dorë të shtrirë, për aq kohë sa e ndjej, siç e shoh, përderisa dëgjoj që është ekskluzivisht në interes të qytetarëve dhe shtetit, sepse në fund jemi të zgjedhur nga qytetarët dhe prioriteti ynë kryesor duhet të jenë qytetarët dhe shteti", tha Mitreski.

Presidenti Stevo Pendarovski sot në orën 15:00, do t'ia dorëzojë mandatin Talat Xhaferit, për përbërje të Qeverisë teknike për zbatimin e zgjedhjeve të deputetëve.

Seanca për zgjedhjen e Qeverisë teknike, përbërja e së cilës tashmë dihet, duhet të caktohet për të dielën më 28 janar. sa/

Фото: МИА