Shkup, 27 mars 2024 (MIA) - Aneksi i ri i Marrëveshjes me "Sinohidron" kineze për ndërtimin e autostradës Kërçovë-Ohër i referohet vetëm zgjatjes së afatit për ndërtim, i cili tani propozohet të jetë deri në fund të vitit 2026, ndërsa mjetet financiare për ndërtim mbesin të pandryshuara, gjegjësisht 598 milionë euro, deklaruan për MIA-n nga Ministria e Transportit dhe Lidhjeve, pasi Qeveria mbrëmë miratoi Informatat për zgjatjen e afatit për ndërtim dhe ia kaloi ligjin Kuvendit për miratim.

Nga Ministria e Transporteve theksojnë se Vendimi për shtyrjen e afatit është bazuar në informacionin që përmban raporti i ekspertit FIDIK, i cili është përgatitur për shkak të skadimit të afatit të mëparshëm 31 dhjetor të vitit 2023.

Sipas aneksit të ri, kontraktori merr përsipër të ndërtojë dhe vërë në qarkullim deri më 31 nëntor të vitit 2026 nënseksionet 1 dhe 2, deri më 31 gusht të vitit 2025 seksioni 2.2 dhe seksioni 3 dhe deri më 30 shtator 2026 seksionet 4 dhe 5.

"Zgjatja e afatit është e nevojshme për shkak të shfaqjes së 13 rrëshqitjeve të reja të shfaqura në trase dhe si rezultat i projektimit joadekuat dhe fillimit të parakohshëm të ndërtimit pa marrë parasysh kushtet reale në terren që duhet të trajtohen në dokumentacionin fillestar të projektit", sqarojnë nga Ministria e Transporteve.

Theksojnë se ndërtimi i autostradës është projekt prioritar për Qeverinë, si pjesë e Korridorit 8 dhe po ndërmerren të gjitha aktivitetet për përfundimin e tij në përputhje me të gjitha standardet e ndërtimit dhe sigurisë.

Kuvendi nesër duhet të mbajë seancën e fundit para shpërndarjes për mbajtjen e zgjedhjeve presidenciale dhe parlamentare të planifikuara për 24 prill dhe 8 maj.

Aneksi i marrëveshjes për autostradën Kërçovë-Ohër, i cili filloi të ndërtohet në shkurt të vitit 2014, do të jetë i gjashti me radhë. Ndërtimi i autostradës me një gjatësi të përgjithshme prej 57 kilometrave ishte parashikuar fillimisht në 374 milionë euro dhe pas disa anekseve të kontratës dhe zgjatjeve të afateve, çmimi i saj arriti në 598 milionë euro. Në fund të vitit të kaluar, Ministria përkatëse angazhoi një ekspert për kontratat Fidik të ngarkuar me analizimin e kontratës për ndërtimin e seksionit të autostradës. Eksperti i punësuar ka dorëzuar një raport në Qeveri në të cilin tregohen tre opsione - vazhdimi i kontratës me kontraktuesin "Sinohidro", vazhdimi i kontratës me penalitete dhe si opsion i tretë, ndërprerja e plotë e kontratës.

Më herët, kryetari i LSDM-së dhe ish-kryeministër Dimitar Kovaçevski tha se përbërja e re parlamentare do të vendosë se si do të vazhdojë projekti i autostradës Kërçovë-Ohër, siç tha ai, qoftë me të njëjtin kontraktues apo në fund do të zgjedhjet një kontraktor që ka treguar se ai mund ta bëjë rrugë. "Ajo që duhet bërë është që së pari të përfundojë ajo rrugë, sepse e meritojnë qytetarët e gjithë vendit, e meriton Ohri si qendra më e madhe turistike dhe duhet të punohet me ritmin më të shpejtë", tha Kovaçevski.

Siç tha ai, në pjesët e përfunduara të rrugës, e cila është 80-85 për qind e përfunduar, në tremujorin e fundit të vitit të kaluar kanë ndodhur 13 rrëshqitje dherash me sasi të mëdha toke dhe ka pasur edhe disa pjerrësi, të cilat janë projektuar keq, gjegjësisht që para dhjetër vitesh nuk ishte parashikuar që të përfundonin në Shqipëri. mb/

Foto: MIA