Shkup, 7 dhjetor 2023 (MIA) - Ministria e Drejtësisë dërgoi në Turqi kërkesën për ekstradimin e Ljupço Palevskit, e cila përmes MPJ-së, në rrugë diplomatike do t'u përcillet autoriteteve turke.

Nga Ministria e Drejtësisë kumtojnë se dokumenti origjinal është dërguar përmes DHL deri te Ministria e Drejtësisë së Republikës së Turqisë dhe në verzion të skenuar është dërguar në INTERPOL.

"Presim bashkëpunim me autoritetet gjyqësore të Republikës së Turqisë, procesim në kohë dhe veprim nga ana e tyre në periudhë më të shkurtër të mundshme", njoftojnë nga Ministria e Drejtësisë.

Ministri Krenar Lloga ka nënshkruar dje kërkesën për ekstradim, me të cilën filloi procedura e ekstradimit të Ljupço Palevskit. Gjatë ditës së sotme, të gjitha shkresat dhe dokumentet e nevojshme në mënyrë eksprese janë përkthyer në gjuhën turke, pas së cilës kërkesa për ekstradim u është dërguar autoriteteve turke. bsh/