Shkup, 14 mars 2024 (MIA) - Ministri i Punëve të Brendshme Pançe Toshkovski, sot 14.04.2024, së bashku me zëvendësministrin plotësues në Ministrinë e Bujqësisë, Pylltarisë dhe Ujërave Cvetan Tripunovski, Stojançe Angellov, drejtor i Qendrës për Menaxhim me Kriza dhe kryetarin e komunës së Sopishtës, Stefçe Tërpkovski iu bashkuan kampanjave parandaluese-edukative të realizuara nga Njësia për parandalim në SPB Shkup me moton “Të mbrojmë pyjet nga zjarret”, “Prerja e paligjshme e druve dhe krimi” dhe “Mos lini sende me vlerë në veturën tuaj”, informoi sot MPB.

Ky aktivitet është zhvilluar në zonën e Komunës së Sopishtës, përkatësisht në zonën për piknik të Kozjakut. Synimi kryesor është rritja e kulturës së sigurisë tek banorët e komunës dhe vizitorët në këtë vend piknik, si dhe forcimi i besimit dhe bashkëpunimit mes policisë dhe qytetarëve.

"Në fakt, gjatë aktivitetit u vu në pah djegia e shpeshtë e pyjeve gjatë pregatitjes së skarës, si dhe rreziku për shkaktimin e zjarreve nga pakujdesia", thuhet në kumtesën e MPB-së.

Njëherit, vizitorëve të pranishëm iu shpërndanë materiale edukative, gjegjësisht fletëpalosje, në të cilat janë shkruar rekomandime edukative me qëllim ngritjen e vetëdijes për sigurinë. bsh/

Foto: MPB