Shkup, 24 shtator 2023 (MIA) - Lideri i VMRO-DPMNE-së Hristijan Mickoski, në fjalimin e tij në konferencën vjetore të Unionit të forcave të reja të VMRO-DPMNE-së, tha se nuk është i lumtur për korrespondencën publike me ish kryetarin e VMRO-DPMNE-së Nikolla Gruevski, por është thellësisht i zhgënjyer nga sjellja e tij.

"Kjo është beteja që kam zgjedhur, por padyshim askush nuk duhet ta testojë përcaktimin tim në pikëpamjet tona se pranimi i diktateve nuk bëhet me çdo kusht. As që mund të kalojë nga një derë e vogël apo ndonjë kombinim. Më duhet të them se jam thellësisht i zhgënjyer nga sjellja e tij. Një kohë të gjatë kam shmangur publikisht të flas për këtë dhe për shumë e shumë gjëra të tjera që më kanë ndodhur mua dhe bashkëpunëtorëve të mi më të afërt në betejën e VMRO-DPMNE-së për ta vendosur në baza të shëndoshë dhe atë që sot është një strukturë e fortë në prag të fitores më të madhe. Deri në një periudhë të caktuar, megjithëse nuk kam pasur dhe nuk kam kontakte, kam menduar se ndajmë të njëjtin qëllim. Rruga drejt këtij qëllimi i VMRO-DPMNE-së ishte me gjemba, me shumë goditje dhe për mua si person është sfidë të luftoj kundër këtij pushteti dhe të jem krah për krah me popullin tim në betejën për ndryshimin, por më duhet të them se nuk e kam pasur aspak të lehtë dhe të marr goditjet nga brenda, nga njerëz me të cilët kam menduar se ndajmë të njëjtën kauzë", tha lideri i VMRO-DPMNE-së, Hristijan Mickoski duke folur për ish kryetarin e partisë.

Mickoski tha gjithashtu se për shumë çështje të brendshme me ish presidentin nuk do të flasë dhe do ta lërë të gjykojë historia.

"Është e çuditshme që mallkimi i historisë, njeriu që fliste për thikë pas shpine u bë pikërisht i tillë për partinë e tij. Nuk ishte qëllimi im të hyja në konflikt dhe korrespondencë publike me të, por këtë plan të pistë duhej të dinte publiku. Dhe kjo është hera e fundit që e trajtoj këtë temë dhe nuk do të flas më për këtë sepse kemi punë dhe kjo është rënia e kësaj qeverie kriminale. I uroj shëndet, fat dhe të mos ua bëjë të tjerëve atë që nuk dëshiron t'ia bëjnë. Kemi punë, kundërshtari ynë është kjo qeveri kriminale e udhëhequr nga LSDM dhe BDI", tha Mickoski.

Foto: VMRO-DPMNE