Shkup, 22 dhjetor 2024 (MIA) - Zëvendëskryeministri i parë dhe ministri i Mjedisit Jetësor dhe Planifikimit Hapësinor, Izet Mexhiti për televiziomin shqiptar "Ora njuz" tha se sipas informatave të tij, ish zëvendëskryeministri Artan Grubi më nuk është në Kosovë, por në Shqipëri.

Pas Grubit dhe ish drejtorit të Lotarisë shtetërore Përparim Bajrami, MPB-ja ka shpallur urdhërarrest ndërkombëtar për përvetësim të rreth tetë milionë euro nga Lotaria shtetërore.

"Me vet arratisjen, ai e dëshmon fajin. Ai vet di për shkeljet juridike që i ka bërë, por mendoj se sot, nesër apo pasnesër, ai do të ballafaqphet me drejtësinë", tha Mexhiti.

Ai shtoi se "detyrë e organeve të ndjekjes është ta ndjekin rastin dhe të sigurojnë zbatimin e drejtësisë", duke theksuar se "Fronti Evropian e plotëson listën e zezë amerikane". bsh/

Foto: Ora Njuz