Shkup, 20 mars 2024 (MIA) - Këtë vit pranvera filloi sot, në orën 04:06, ndërsa në të njëjtën kohë filloi vjeshta për banorët e Hemisferës jugore.

Pranvera këtë vit fillon më 20 mars dhe do të zgjasë deri më 20 qershor, kur fillon vera. Pas dimrit, ora kalon në kohën e verës. Derisa në Hemisferën veriore është pranverë, në Hemisferën jugore është vjeshtë dhe anasjelltas, kështu që nuk ka asnjë datë për fillimin e kësaj stine, që të ishte universale për të gjitha pjesët e botës.

Toka nuk lëviz me shpejtësi konstante elipitike të saj (ovale) orbite, kështu që stinët nuk janë me gjatësi të barabartë. Pranvera zgjat mesatarisht 92,8 ditë në Hemisferën veriore dhe 89,8 ditë në Hemisferën jugore.

Pranvera në Maqedoni fillon çdo vit me kalimin e Diellit në Hemisferën veriore. Në atë ditë Dielli lind në lindje dhe fillon ekuinoksi, domethënë dita dhe nata do të zgjasin saktë 12 orë.

Dita gradualisht zgjatet nga solstici dimëror më 21 dhjetor dhe vazhdon të rritet deri në fillim të verës.

Paraprakisht, shkollat ​​mësonin se të gjitha stinët, përveç vjeshtës, fillonin më datë 21 të muajit. Por pranvera ka disa dekada që ka ardhur një ditë më parë, më 20 mars. Dhe kjo është për shkak të dy metodave të ndryshme të përcaktimit të fillimit dhe fundit të stinëve - kalendarike ose meteorologjike.

Çka është dallimi?

Fillimi kalendarik i pranverës quhet edhe fillimi astronomik i pranverës. Sepse stinët kalendarike përcaktohen nga pozicioni i Tokës në raport me Diellin dhe korrespondojnë, të thuash, me stinët "natyrore".

Në meteorologji, stinët fillojnë gjithmonë në ditën e parë të muajit adekuat. Ata e ndajnë vitin në katër stina fikse me nga tre muaj secila. Meteorologët përdorin këtë klasifikim artificial për të krijuar katër stinë konstante dhe për të punuar me periudha kohore të krahasueshme.

Në Romën e lashtë, dita e parë e pranverës festohej si fillimi i vitit të ri. Shumë kohë përpara romakëve, keltët festonin ditën e parë të pranverës si ringjalljen e Diellit. Për shumë njerëz, pranvera nënkuptonte zgjimin, krijimin dhe lindjen e diçkaje të re.

Paralajmëruesit më të famshëm të pranverës janë aguliçe e hershme, luleboret, zambaku, manushaqe dhe të tjera. rq/

Foto: Piksabej