Bruksel, 14 shkurt 2024 (MIA) - Me shpërndarjen e informacioneve për gjoja tentativë për atentat të kryeministrit të Kosovës, Albin Kurti gjatë qëndrimit të tij të paradokoshëm në Shkup, është shkaktuar dëm i madh ndaj institucioneve të Kosovës, sesa shtetit tonë, deklaroi për MIA-n kryetari i Qeverisë, Talat Xhaferi.

"Ne jemi në mënyrë adekuate të informuar për të gjitha rrjedhet në raport me ngjarjet, të cilët organizohen në territorin tonë dhe institcionet në mënyrë adekuate i kanë ndërmerrë të gjitha masat. Në këtë kontest mensoj se nga ana jonë është ndërmarrë gjithçka, ndërsa në thelb edhe askush nuk konfirmon se ka pasur indicie se kjo do të ndodhte në territorin e Maqedonisë së Veriut", tha Xhaferi duke shtuar se institucionet kanë reaguar në mënyrë përkatëse ndaj këtyre pohimeve.

Deklarata e Xhaferit i përket informacioneve se gjatë pjesëmarrjes së kryeministrit kosovar Kurti në konferencën e fondacionit "Fridrih Ebert" në Shkup, është përgatitur atentat ndaj tij.

Sipas Xhaferit është i çuditshëm fakti që pas kthimit të Kurtit në Prishtinë, fillimisht nga televizioni shtetëror RTK është transmetuar informacioni se është organizuar atentat ndaj tij në Republikën e Maqedonisë së Veriut, në bazë të disa deklaratave mediatike dhe postimeve në Fejsbuk.

"Në instancën e fundit, vlerësimi im është se me atë deklaratë i është bërë dëm më shumë vetë Agjencisë Kosovare të Informacionit, sepse në të ardhmen kush do të angazhohej në shkëmbim të informacioneve, nëse ato informata do të ndërmjetësoheshin nga mjetet e informimit publik do të shpërndaheshin, ashtu siç janë shpërndarë. Metodologjia e komunikimit të atyre institucioneve është e përcaktuar siç duhet me ligje përkatëse dhe ka shkuar përtej asaj që është normale në komunikim dhe në shkëmbim të informacioneve", vlerësoi Xhaferi.

Ai potencoi se institucionet tona nuk konfirmojnë se kanë patur "mundësi të këtillë dhe aktivitete të orientuar drejt kryeministrit të një shteti".

Xhaferi nuk ka dashur t'i komentojë konstatimet se bëhet fjalë për qersim hesapesh të brendshme në Kosovë, duke theksuar se është joadekuate si kryeministër të ndërhyjë në vlerësime të këtilla

"Për mua si kryeministër është e rëndësishme që menjëherë të informohem dhe të njihem paraprakisht me aktivitetet që do të zhvillohen në territorin e shtetit dhe rrjedhimisht ka reagime dhe mohime nga institucionet kompetente pas të cilave qëndroj, sepse është vërtetuar se ajo që kanë thënë institucionet ashtu është”, ka shtuar Xhaferi. mb/

Foto dhe video: MIA