MD: Ndryshimet në Ligjin për ndihmë juridike falas hyjnë në procedurë kuvendore
- - Propozimi i ligjit për ndryshimin dhe plotësimin e Ligjit për ndihmë juridike falas hyn në procedurë kuvendore, informojnë nga Ministria e Drejtësisë. Me ndryshimet të cilat do të miratohen në procedurë të shkurtër bëhet harmonizim me Ligjin për ekspertizë dhe me këtë shfrytëzuesit e ndihmës juridike falas do të kenë qasje në shërbime nga person ekspert.
- Post By Fitore Curri
- 11:15, 20 gusht, 2024
![MD: Ndryshimet në Ligjin për ndihmë juridike falas hyjnë në procedurë kuvendore](https://new.mia.mk/images/20240820111516_big_730x400_33.webp )
Shkup, 20 gusht 2024 (MIA) - Propozimi i ligjit për ndryshimin dhe plotësimin e Ligjit për ndihmë juridike falas hyn në procedurë kuvendore, informojnë nga Ministria e Drejtësisë. Me ndryshimet të cilat do të miratohen në procedurë të shkurtër bëhet harmonizim me Ligjin për ekspertizë dhe me këtë shfrytëzuesit e ndihmës juridike falas do të kenë qasje në shërbime nga person ekspert.
Siç informojnë nga Ministria e Drejtësisë, me nenin 1 nga Propozimi i ligjit ndryshohet neni 13 paragrafi 6 nga Ligji për ndihmë juridike falas në mënyrë që të përcaktohet se në vend të Byrosë për ekspertizë gjyqësore, ekspertizat për nevojat e shfrytëzuesve të ndihmës sekondare juridike do t'i kryejnë persona fizikë të regjistruar në Regjistrin e ekspertëve ose personave juridikë të regjistruar në Regjistrin e personave juridikë që kryejnë ekspertizë.
Me ndryshimet rregullohen të drejtat dhe detyrimet e pjesëmarrësve në procedurë për ndihmë sekondare juridike.
"Eksperti duhet të jetë nga fusha përkatëse që është e nevojshme për zgjidhjen e çështjes juridike për të cilën është miratuar ndihma juridike dytësore. Përzgjedhja e ekspertit bëhet në përputhje me ligjet procedurale. Përcaktohet një detyrim për të bashkëpunuar me përdoruesin si dhe me avokatin e caktuar. Gjithashtu, vendoset detyrimi që ekspertiza, pavarësisht nga fusha në të cilën kryhet, të jetë ekskluzivisht për nevojat e çështjes juridike për të cilën miratohet ndihma juridike dytësore. Për çështjet që kanë të bëjnë me përgjegjësinë, anulimin, refuzimin për të qenë ekspert zbatohen ligjet përkatëse si dhe aktet e Oda e Ekspertëve", qëndron në kumtesën e Ministrisë së Drejtësisë.
Në ligj, siç shtojnë, rregullohet procedura për pagesë me çka, si dispozitë materiale zbatohet neni 29 paragrafi 5 nga Ligji për ekspertizë i cili e rregullon vlerën e shpërblimit dhe kompensimit të shpenzimeve. fc/
Fotografia: Arkivi i MIA-s