Shkup, 27 korrik 2023 (MIA) - Anëtarët e Shoqatës së Bankave të Maqedonisë informojnë se për momentin disa nga shërbimet që kanë të bëjnë me markat e kartelave VISA dhe MasterCard nuk janë të disponueshme në bankomat dhe në dyqane.

Nga Shoqata e Bankave të Maqedonisë njoftuan se, si edhe më parë, mjetet e klientëve të bankave janë të disponueshme në të gjitha ekspoziturat dhe filialet.

"Anëtarët e Shoqatës së Bankave të Maqedonisë janë në komunikim intensiv me markat e kartelave VISA dhe MasterCard, dhe nga analizat e deritanishme mund të thuhet se arsyeja e problemit nuk është e lidhur me operatorët kombëtar të telekomit, as me sistemet individuale të bankave.  Pas marrjes së informatave më të plota, opinioni do të njoftohet me kohë nga Shoqata e Bankave të Maqedonisë", thuhet në njoftimin e Shoqatës së Bankave të Maqedonisë. sa/

Foto: Arkivi i MIA-s