Mançester, 9 shkurt 2023 (MIA) - Mançester Junajted ende është seriozisht i interesuar për nënshkrimin e sulmuesit të Barcelonës, Ansu Fati.

Siç publikoi “Fichajes”, në Mançester janë gati të paguajnë dëmshpërblim prej 60 milionë eurosh për Fatin dhe presin një përgjigje nga klubi katalanas.

Njëzet vjeçari spanjoll është një “fëmijë” i gjigantit katalanas. Kontrata e tij aktuale me Barçën është deri në verën e vitit 2027.

Në sezonin aktual, Fati ka bërë 31 paraqitje për Barcelonën në të gjitha garat, duke shënuar gjashtë gola dhe duke dhënë tre asistime.

Sipas portalit “Transfermarkt”, vlera e lojtarit llogaritet në 50 milionë euro. ls/