Shkup, 31 dhjetor 2025 (MAI) - Amvisëritë vitin e kaluar shpenzuan gjysmën e buxhetit të tyre – 50,8 për qind kanë shpenzuar në ushqime dhe pije, prej të cilëve më shumë për mish, produkte qumështi dhe drithëra. Megjithatë, më shumë në amvisëri është konsumuar buk - 172,3 kg dhe patate - 64 kg, ndërsa mishi i lopës, viçit dhe gjedhit– 16,9 kg dhe peshk – 18,4 kilogram. Më së shumti janë pirë pije joalkoolike – 181,6 litra dhe qumësht – 73,4 litra.

Këtë e tregojnë të dhënat nga "Libri i statistikave vjetore të Republikës së Maqedonisë së Veriut 2025", nga Enti Shtetëror i Statistikës. 

Mbi gjysma e buxhetit familjar në vitin 2024 shkoi për ushqim dhe pije joalkoolike, gjegjësisht rreth 159.750 denarë.

Për ushqim, familjet mesatarisht shpenzuan më së shumti për mish – 38.397 denarë, pastaj për qumësht, produkte qumështi dhe vezë – 30.411 denarë, për produkte drithërash – 25.079 denarë, për perime – 21.373 denarë, për fruta – 9.932 denarë, për sheqer dhe çokollata – 7.409 denarë, për produkte të tjera ushqimore – 6.375 denarë, për vajra dhe yndyrna – 5.160 denarë, dhe më së paku për peshk – 4.369 denarë.

Më së shumti është konsumuar bukë – 172,3 kilogramë dhe patate – 64 kilogramë. Mesatarisht në tryezën familjare kishte rreth 25 kilogram makarona dhe oriz, qumësht – 73,4 litra, djathë – 32,4 kilogramë, 609 vezë, si dhe çokollata dhe biskota – 22,7 kilogramë dhe sheqer – 19,8 kilogramë.

Nga perimet, mesatarisht janë konsumuar 33 kilogramë domate, 30,4 kilogramë speca, 29,5 kilogramë lakër dhe 19,2 kilogramë kastravecë. Fasule – 14,9 kilogramë, ndërsa bizele dhe bishtaja 0,7 kilogramë. 

Nga frutat, më së shumti janë konsumuar limona, portokalla, mandarina – 70,2 kilogramë, pastaj kunguj – 33,5 kilogramë dhe mollë – 31,4 kilogramë. Pjeshka dhe kajsi – 7,8 kilogramë, dardha – 3,8 kilogramë, rrush – 3,5 kilogramë dhe qershi dhe manaferrë – 1,5 kilogramë.

Nga mishi, më së shumti në tryezën familjare ka pasur mish të shpendëve– 45,6 kilogramë, pastaj derrit – 23,6 kilogramë, mish viçi, gjedhi dhe lope– 16,9 kilogramë, dhe mish dele dhe qengji – 0,4 kilogramë. Peshk të freskët dhe të ngrirë familjet mesatarisht kanë konsumuar 16 kilogramë, ndërsa produkte të përpunuara nga peshku – 2,4 kilogramë.

Nga qumështi dhe produktet e tij, më së shumti është konsumuar kos dhe jogurt – 76,2 kg, pastaj qumësht i freskët – 73,4 litra dhe djathë – 32,4 kg.

Për pijet dhe duhanin, pjesa më e madhe e buxhetit familjar shkoi për duhan – 14.285 denarë, pastaj 6.293 denarë për pije joalkoolike, për kafe, çaj dhe kakao – 4.951 denarë, dhe për pije alkoolike janë shpenzuar 4.309 denarë.

Më së shumti janë pirë pije joalkoolike – 181,6 litra, ndërsa kafe dhe kakao – 7,8 kilogramë. Nga pijet alkoolike, më së shumti birrë – 28,6 litra, verë – 4,6 litra dhe pije të forta – 1,9 litra.

Të dhënat u morën bazuar në anketën statistikore "Anketa e konsumit të amvisërive", e kryer gjatë vitit 2024 në 5040 familje. U anketuan 2,914 familje, ndërsa numri i familjeve të vlerësuara është 598,632, nga të cilat numri më i madh, 92.7 përqind, janë jobujqësore (555,079), 5.2% janë të përziera (31,373) dhe vetëm 2% janë bujqësore (12,180). qa/

Foto: Arkivi i MIA-s