Shkup, 11 dhjetor 2025 (MIA) - I vetmi politikan aktual i cili ka punuar në vendosjen e emigrantëve në Maqedoni është Venko Filipçe, thonë nga VMRO-DPMNE-ja dhe pastaj publikuan një dokument në të cilin, siç thonë, shihet se si ministër në Qeverinë e Zaevit, në vitin 2018 mori pjesë në miratimin e Planit për projektin e ndërtimit të një qendre pranimi për migrantët në Bardovcë. Demantojnë se në Marrëveshjen që Qeveria ka nënshkruar me Britaninë e Madhe ekzistojnë çdo lloj depozita të cilat kanë të bëjnë me migrantët. 

"Në "Gazetën Zyrtare të Republikës së Maqedonisë", më 26.01.2018, numri 16, faqja 189, pika 1.6, thuhet, citoj, "Përpunimi i dokumentacionit shtetëror urbanistik për një qendër pranimi për të huajt për nevojat në Sektorin për çështje kufitare dhe migracion pranë MPB-së të PK nr. 35, e regjistruar në Listën e Pronës nr. 2140 për KK Bardovcë. Kjo u kalua në Qeveri dhe për këtë Venko Filipçe votoi me dy duar. Këta migrantë të cilët në atë kohë Filipçe donte t’i pranonte, janë të njëjtit migrantë të cilët tani po shkaktojnë probleme në Evropë. Po të mos ishte presioni i VMRO-DPMNE-së atëherë, sot do të kishte emigrantë në Maqedoni", tha në konferencën e sotme për shtyp, Mile Lefkov nga VMRO-DPMNE-ja. 

Potencoi se "Venko Filipçe dhe LSDM-ja kishte politikë partiake dhe shtetërore për vendosjen e migrantëve" dhe se këtë dokument të cilin e tregoi në konferencë për shtyp është provë për këtë. 

Përderisa Filipçe është në opozit, siç theksoi Lefkov, në Maqedoni migrantë nuk do të ketë. 

"Duam të mohojmë me fjalët më të forta të mundshme se në Marrëveshjen me Mbretërinë e Bashkuar ekziston çdo lloj dispozite të cilat lidhen me migrantët. Ajo për të cilën po flitet dhe mirë e përmendët ju si pjesë e FRONTEKS-it dhe ne si Qeveri dhe autoritet është përforcimi i politikës së migracionit, përforcimi i kufijve shtetërorë, rritja e kontrollit të kufijve shtetërorë dhe atë në shumë mënyra, përmes rritjes së kompetencave ligjvënëse, në mbikëqyrjen e kufijve. Vetë Kryeministri paralajmëroi shembullin e Sejf Siti dhe Sejf Kantri, një projekt i cili do të mundësojë mbikëqyrjen me video dhe përforcimin e të gjitha vendkalimeve kufitare, që do të thotë jo vetëm kontroll i migrantëve të paligjshëm, por edhe kontroll i kontrabandës ose përpjekjeve për të tregtuar substanca të caktuara të paligjshme", tha Lefkov duke iu përgjigjur pyetjes së gazetarëve. 

Sipas tij, kufij më të fortë, më të shëndetshëm dhe më të sigurt nënkuptojnë siguri më të madhe për qytetarët. Prandaj, theksoi, keqpërdorimi i temave të tilla është vërtet i dëmshëm për shoqërinë dhe shtetin dhe vlerësohet nga partia si jashtëzakonisht manipulues. Edhe një herë përsëriti se migrantët e paligjshëm dhe tema me migrantë është një trillim i plotë. 

Filipçe nuk është lider, por shërbëtor i Zaevit, një politikan-sustë i cili ka një rol të vetëm të mbulojë dhe mbrojë krimet e tij. Ai është një rast sociopatik i gënjeshtarit dhe manipuluesit, ndërsa dëmin nga punët e tij po e paguajnë të gjithë qytetarët. Perde tymi për këtë janë tema të trilluara, sulme të trilluara dhe skandale të supozuara. Një temë e tillë është dhe tema për strehimin e migrantëve. Në këto tema shihet hipokrizia, fytyrën e shëmtuar të Filipçes, manipulimin dhe korrupsionin e tij në politikë, të imponuar nga mentori i tij Zoran Zaev. Është e qartë se nuk do të ketë migrantë, por Filipçe paralajmëroi protesta, trilloi një deklaratë dhe një temë artificiale. Prandaj, përderisa e bënë këtë, i gjithë publiku duhet ta dijë se Venko Filipçe, si ministër në Qeverinë e Zaevit, punoi për hapjen e një kampi për emigrantët në Bardovcë", potencoi në konferencë për shtyp Lefkovi. rq/

Foto: VMRO-DPMNE