Shkup, 17 dhjetor 2025 (MIA) - Kuvendi në pjesën e pasditës së sotme të seancës së 76-të pa debat me 65 vota "për" dhe asnjë "kundër" pasdite i solli propozim ligjet për ndryshimet dhe plotësimet e Ligjit për ekzekutimin e sanksioneve, të Ligji për Policinë, Ligji për automjetet dhe Ligji për sigurinë në komunikacionin rrugor, të gjitha me procedurë të shkurtuar, të cilat janë pjesë e pakos së ligjeve të nevojshme për funksionimin e plotë të sistemit "Qytet i Sigurt". 

Pas Propozimit të ligjit për ndryshimin dhe plotësimin e Ligjit për Sigurinë në komunikacionin rrugor, i cili u miratua me shumicë të dyfishtë, dhjetë deputetë votuan "për", të cilët u përkasin bashkësive të cilat nuk janë në shumicë.

Nënkryetari i Kuvendit, Antonio Milloshoski, këtu e ndërpreu këtë seancë dhe hapi seancën e 67-të të Kuvendit, në të cilën, siç tha, ka vetëm një pikë - Propozimin e Ligjit për shkollën e mesme të policisë, me procedurë të shkurtuar.

Komisioni parlamentar për mbrojtje dhe siguri më herët sot i përcolli ndryshimet në Ligjin për Policinë dhe ndryshimet dhe plotësimet në Ligjin për Sigurinë në komunikacionin rrugor, të cilat janë pjesë e paketës së ligjeve të nevojshme për funksionimin e plotë të sistemit "Qytet i Sigurt", për procedurë të mëtejshme në Kuvend. 

Deputetët, më herët, në kuadër të seancës së 76-të, përfunduan debatin mbi Propozimin e ligjit për ndryshimet dhe plotësimet në Ligjin për Kundërvajtje, përmes një procedure të shkurtuar, e cila, gjithashtu është, pjesë e pakos prej gjashtë ndryshimeve ligjore për sistemin "Qytet i Sigurt", për të cilat në mënyrë shtesë do të votohen.

Deputetja, Monika Trajanova nga VMRO-DPMNE-ja, shpjegoi se Ligji për kundërvajtje, si ligj procedural me të cilën rregullohet procedura për trajtimin e kundërvajtjeve nga organet dhe gjykatat për kundërvajtje, mbulon shumë fusha, mes të cilave, dhe fushën e sigurisë në komunikacionin rrugor dhe se ndryshimet e propozuara përfaqësojnë një instrument të nevojshëm ligjor për përmirësimin e sigurisë në komunikacionin rrugor me theks në vendosjen e sistemeve moderne elektronike për zbulimin dhe ndalimin e kundërvajtjeve.

Deputeti Bojan Stojanovski nga VMRO-DPMNE-ja, tha se ky ligj është pjesë e një pakoje prej gjashtë ligjesh për zbatimin e njërit prej projekteve më serioze në historinë e Maqedonisë, sistemit "Qytet i Sigurt", i cili filloi të zbatohet disa javë më parë dhe praktikisht do të fillojë më 1 shkurt. 

Deputetët, në kuadër të pjesës së pasdites së seancës së 76-të, pa debat, me 65 vota "për" dhe asnjë "kundër" ose "të përmbajtur", miratuan edhe Ligjin për koncesionet dhe partneritetin publik dhe privat, me procedurë të shkurtuar.  rq/

Foto: printskrin