Kuvendi Kombëtar i Francës e ka hedhur poshtë propozimin për votim të mosbesimit të qeverisë së Elizabet Born
Paris, 11 korrik 2022 (MIA) – Kuvendi Kombëtar i Francës e ka hedhur poshtë propozimin për votim të mosbesimit të qeverisë së Elizabet Born, për të cilën kanë votuar vetëm 146 deputetë, lajmëroi korrespondenti i MIA-s nga Parisi.
“Kjo nismë për mosbesim do të shërbejë si një shpjegim politik për ata në opozitë”, tha paraprakisht kryetarja e grupit LFI, Matild Pano.
Miratimi i këtij propozimi për mosbesim, i parashtruar nga Nupesi kundër qeverisë së Elizabet Born, ishte shumë e pamundur, pasi republikanët paralajmëruan se nuk do ta mbështesin.
"Nuk është befasi, e dinim se do të refuzohet," tha kryetari i Partisë Socialiste Olivie For.
“Përfundimisht do të mund të punojmë. Ka pasur tre mossuksese të njëpasnjëshme për Zhan-Luk Melanshon: zgjedhjet presidenciale, zgjedhjet legjislative dhe kjo formë e votimit të brendshëm për censurë," deklaroi zëdhënësi i qeverisë Olivie Veran. ar/
