Kumanovë, Prilep 11 tetor 2024 (MIA) - Kumanova dhe Prilepi kanë shënuar sot 11 Tetorin - Ditën e kryengritjes popullore dhe 83 vjet nga dita kur u shënua fillimi i Luftës nacionalçlirimtare dhe rrumbullakësimi i krijimit të shtetit të Maqedonisë.

Delegacione të shumta të udhëhequra nga Shoqata të luftëtarëve madje në Kumanovë, kryetari i Komunës së Kumanovës, delegacion i Qeverisë, Kuvendit, nga kabineti i presidentes, Armatës, MPB-së, institucione shtetërore, ambasadorë dhe përfaqësues të ambasadave, institucioneve, partive politike, shoqata të qytetarëve, sot kanë vendosur lule te monumenti përkujtimor në Kumanovë.

Kryetari i Komunës së Kumanovës, Maksim Dimitrievski, duke iu drejtuar të pranishmëve tha se është krenari të nderohen luftëtarët dhe heronjtë që dhanë jetën për Maqedoninë e lirë. Në fjalën e tij ai iu referua edhe formimit të çetës së Kozjakut dhe Karadakut nga Kumanova, si prijës të tendencave çlirimtare të popullit.

"11 tetori shkroi historinë e Maqedonisë e cila na motivon të ecim para, të kemi më shumë besim te njëri-tjetri. Dita kur është vendosur një nga themelet e shtetësisë së Maqedonisë dhe është simbol i vizionit, guximit, sakrificës së luftëtarëve", tha Dimitrievski dhe kërkoi që të mos harrohet data e cila është një hap para në mbështetje të traditës maqedonase, shoqërisë së avancuar, kundër mohimit të vlerave të përbashkëta njerëzore.

Delegacioni qeveritar në Kumanovë ka qenë në përbërje: ministrat për Administratë publike dhe sport, Goran Minçev dhe Borko Ristovski dhe zëvendësministri për transformim digjital Radosllav Nastasijeviq Varxhiski. Lule vendosën edhe deputetët Brane Petrushevski, Oliver Spasovski dhe Pavle Arsoski.

Me nderime para luftëtarëve të rënë në Mogilla në Prilep, delegacione të shumta madje kremtuan festën e 11 Tetorit - Ditën e kryengritjes popullore.

Sipas Rubinço Belçeskit, kryetar i Lidhjes së luftëtarëve të Prilepit, ajo krismë fitimtare që ndodhi në Prilep më 11 tetor 1941 nuk ishte vetëm një akt simbolik. Ishte një dëshmi autentike e vendosmërisë së popullit të Maqedonisë për të qëndruar në erërat ballkanike që nga fillimi i luftës deri në ditën e fitores - 9 maj 1945, për të qenë në anën e koalicionit anti-hitlerian. Belçeski dërgoi porosi deri te gjeneratat e reja që të respektojnë kontributin historik të luftëtarëve.

Delegacioni qeveritar është kryesuar nga ministri i Bujqësisë Cvetan Tripunovski. Ai tha se obligimi ynë është të ruajmë traditën dhe të ndërtojmë marrëdhënien e mira ndërfqinjësore, duke ruajtur shtetin.

Sipas kryetarit të komunës së Prilepit, Borçe Jovçeski, Prilepi - qyteti hero qëndron me krenari si monument i sfidës, guximit dhe luftës për liri.

“Kanë kaluar 83 vjet që nga fillimi i luftës kundër okupimit fashist në Maqedoni, kjo tregon shpirtin e popullit tonë i cili na la si traditë që gjithmonë me unitet të mund t'u rezistojmë të gjitha sfidave që e gjetën Maqedoninë tonë. Duke shprehur kujtimin e së kaluarës nuk ndalemi, por vazhdojmë me obligimet tona për të tashmen dhe të ardhmen”, ka thënë Jovçeski.