Shkup, 7 shtator 2023 (MIA) - Kryetari i INTERPOL-it, Ahmed Naser El-Rajsi, i ka dërguar një urim ministrit të Punëve të Brendshme, Oliver Spasovski dhe qytetarëve të këtij vendi me rastin e 32-vjetorit të pavarësisë, si dhe mbështetje personale për Spasovskin në përpjekjet e tij të ardhshme. 

"Kam kënaqësinë t'ju shpreh juve dhe Qeverisë suaj, si dhe policisë dhe qytetarëve të Republikës së Maqedonisë së Veriut, përshëndetje dhe urime të ngrohta me rastin e 32 vjetorit të pavarësisë së Maqedonisë së Veriut. Vlerësoj përkushtimin tuaj për bashkëpunim me INTERPOL-in, si një anëtar i vlefshëm i Organizatës që nga viti 1993, gjë që është dëshmuar duke marrë një rol aktiv në operacione, duke marrë pjesë në trajnimet e INTERPOL-it dhe duke përdorur bazat e të dhënave të INTERPOL-it, thuhet në letrën e Naser El-Rajsi.

Ai shton se qytetarët e Republikës së Maqedonisë së Veriut dhe përkushtimi i tyre i fuqishëm ndaj vlerave dhe qëllimeve të INTERPOL-it janë burime të vlefshme për ta dhe pret që bashkëpunimi të vazhdojë. ls/

Foto/ MIA arkiv