Vjenë, 20 prill 2023 (MIA) - Maqedonia e Veriut dhe Austria kanë bashkëpunim të shkëlqyer politik, ekonomik dhe të sigurisë, theksuan  në konferencë të përbashkët për shtyp në Vjenë kryeministri Dimitar Kovaçevski dhe kancelari austriak Karl Nehamer.

Kovaçevski, i cili ndodhet për një vizitë pune dyditore në Austri, paraprakisht pati takim tet-a-tet  me Nehamerin. 

Të dy bashkëbiseduesit shkëmbyen qëndrime dhe informacione për gjendjen aktuale dhe sfidat me të cilat po përballen vendet evropiane, si dhe pasojat e krizës ekonomike dhe energjetike. 

Kryeministri Kovaçevski,  e ka njoftuar kancelarin austriak me ngjarjet  aktuale të brendshme politike në Maqedoninë e Veriut, ka shprehur kënaqësi  nga ajo si po rrjedh procesi i skriningut dhe procesi i reformave në vend.

Kovaçevski e falënderoi Nehamerin për mbështetjen e përgjithshme nga Austria për procesin e negociatave të anëtarësimit, si dhe për mbështetjen e fuqishme që e merr Maqedonia e Veriut si në planin ekonomik ashtu edhe në atë të sigurisë. Austria është një mbështetëse, partnere dhe përfaqësuese e fortë dhe e zëshme për integrimin evropian të Maqedonisë së Veriut dhe vendeve të Ballkanit Perëndimor, u theksua në takim. ar/