Shkup, 21 qershor 2023 (MIA) - Me analizë të bërë në bazë të së cilës janë bërë ndryshimet në pesë ligje, qëllimi i së cilës është përmirësimi i legjislacionit që i referohet diskriminimit, sot u përmbyll projekti IPA "BE për të drejtat e njeriut: Vendosja e koncepteve të mosdiskriminimit  në legjislacion".

Bëhet fjalë për ndryshime në projekt-ligjin për procedurë penale, projekt-kodin zgjedhor, projekt-ligjin për marrëdhënie pune, projekt-ligjin për barazi gjinore dhe Ligjin për parandalimin dhe mbrojtjen nga diskriminimi, si dhe projekt-udhëzime për organet shtetërore për promovimin dhe avancimin e barazisë dhe parandalimin e diskriminimit.

Në ngjarjen që u mbajt në "Europe House", ministrja e Punës dhe Politikës Sociale, Jovanka Trençevska, theksoi se sfidat e lidhura me respektimin e parimeve të mosdiskriminimit janë në drejtim për avancimin dhe zbatimin e Ligjit për parandalim dhe mbrojtje nga mosdiskriminimi si dhe pavarësi dhe funksionalitet të Komisionit për parandalim dhe mbrojtje nga diskriminimi, duke tejkaluar mangësitë ekzistuese dhe duke zbatuar harmonizimin e rregullores ligjore me ligjin me të njëjtin emër.

Sipas saj, për të përmbushur plotësisht qëllimin e këtij ligji për garantimin e parimit të barazisë dhe parandalimin dhe mbrojtjen nga diskriminimi në ushtrimin e të drejtave dhe lirive të njeriut, duhet bashkërisht të kontribuojmë dhe punojmë shumë dhe t'i përhapim ato parime dhe principe në çdo sferë të shoqërisë.

"Nevoja për harmonizimin e mëtejmë të ligjeve të tjera në përputhje me nenin 48 të Ligjit për Parandalimin dhe Mbrojtjen nga Diskriminimi është e një rëndësie të madhe dhe mbetet një nga prioritetet që do të mundësojë vendosjen e mëtejshme të parimeve të barazisë dhe mosdiskriminimit në proceset shoqërore", tha ajo.

Ajo foli edhe për obligimet e marra me aderimin dhe ratifikimin e konventave dhe marrëveshjeve ndërkombëtare në fushën e të drejtave dhe lirive të njeriut, veçanërisht në lidhje me futjen e parimeve të barazisë dhe mosdiskriminimit.

Lidhur me siç tha, përkushtimin dhe gatishmërinë e Maqedonisë së Veriut, ajo përmendi edhe Strategjinë Kombëtare për Barazi dhe Mosdiskriminim 2022-2026, e cila përcakton qëllimet, aktivitetet, masat, treguesit dhe institucionet përgjegjëse për zbatimin e tyre në nivel lokal  dhe qendror me qëllim promovimin e barazisë dhe mosdiskriminimit, duke theksuar respektimin e dallimeve dhe atë "në një shoqëri për të gjithë".

Ambasadori i Delegacionit të Bashkimit Evropian, Dejvid Gir, tha se barazia më e madhe rrit harmoninë dhe stabilitetin shoqëror.

Çdo shoqëri e suksesshme mbështetet në barazinë e të gjithë qytetarëve. Pyetja nuk është kush jam unë, por çfarë bëj? Ku janë talentët e mi dhe çfarë mund të kontribuojë për komunitetin dhe shoqërinë time", tha ai.

Euroambasadori Gir theksoi se çdo reformë duhet të përshpejtohet dhe të harmonizohet sa më mirë me standardet e BE-së, sepse siç tha ai anëtarësimi në BE kushtëzohet me reforma.

Avokati i Popullit, Naser Ziberi informoi se përmes projektit është bërë një analizë në bazë të së cilës janë bërë ndryshime në pesë ligje, qëllimi i të cilave, siç tha ai, padyshim është përmirësimi i legjislacionit që ka të bëjë me diskriminimin.

Sipas Ziberit, vendi ynë po ecën përpara në drejtim të përmirësimit të mbrojtjes nga diskriminimi, duke ndjekur trendet dhe duke arritur të harmonizojë kuadrin ligjor me të gjitha direktivat dhe rregullat e Bashkimit Evropian.

"Shteti mund të krijojë një kuadër ligjor të përkryer në çdo fushë. Pjesa e vështirë është aplikimi i saj. Rritja e vetëdijes së të punësuarve në sektorin publik dhe të vetë qytetarëve në perceptimin dhe qëndrimin e tyre ndaj atyre që janë të ndryshëm nga ata", theksoi ai.

Qëllimi i projektit është përmirësimi i mbrojtjes efektive kundër të gjitha formave të diskriminimit të ndaluar, duke forcuar legjislacionin dhe duke rritur kapacitetet institucionale të autoriteteve kombëtare dhe vendimmarrësve dhe përmes tij propozohen zgjidhje ligjore dhe udhëzime për zbatimin e tyre.

Pas fjalimeve hyrëse, u mbajt një panel diskutimi me përfaqësues nga zyra e Komisionit për Parandalimin dhe Mbrojtjne nga Diskriminimi, Avokati i Popullit, OJQ Polio Plus dhe ekspertë të projektit. sa/

Foto: MIA