Shkup, 12 shkurt 2024 (MIA) - Ish-kryetarja e Prokurorisë Speciale Publike (PSP), Katica Janeva, është e punësuar jashtë burgut “Idrizovë”. Ajo është e punësuar në zyrën avokatore të djalit të saj, avokatit Lazar Janev.

Nga Drejtoria për ekzekutimin e sanksioneve për MIA-n konfirmojnë se Janeva ka marrë leje për angazhim në punë.

Janeva, e cila ka vuajtur pesë nga shtatë vjet burgim për rastin “Reket”, sipas kushteve, në mëngjes largohet nga Idrizova, ndërsa pas përfundimit të ditës së punës duhet të kthehet në qelinë e burgut.

Avokati Lazar Janev, në deklaratë për Sitel, thotë se Janeva punon në pranimin dhe vërtetimin e dokumenteve, dhe kujdeset për klasifikimin e tyre.

Në qershor të vitit 2020, Janeva u dënua për keqpërdorim të detyrës zyrtare dhe autoritetit me shtatë vjet burg në rastin "Reket", së bashku me Bojan Jovanovskin, i cili u dënua me nëntë vjet burg. ls/

Foto: Arkivi i MIA-s