Shkup, 29 gusht 2024 (MIA) - Nëpunës policor nga Seksioni për trafikim të paligjshëm me drogë dhe armë pranë SPB Tetovë, dje, në orën 17:30, e kanë privuar nga liria N.S. (23) NGA fshati Trebosh, E.K. (21) nga fshati Pallaticë dhe dy persona të mitur, kumtoi MPB-ja.

"Gjegjësisht, pas informacioneve operative të marra paraprakisht dhe ndërmarrjes së masave dhe aktiviteteve përkatëse, personat janë privuar nga liria në fshatin Pallaticë, në vendin e quajtur “Ron Skura” në një kasolle të improvizuar, ku ripaketonin marijuanën për shitje të mëtejshme. Aty u gjet marihuanë, një armë dhe plumba. Gjatë arrestimit, E.K. ka sulmuar një nëpunës policor", theksojnë nga MPB-ja.

Personat janë ndaluar në stacionin policor dhe pas dokumentimit të plotë të rastit ndaj tyre do t'i dërgohen kallëzimet përkatëse në prokurorinë kompetente. ls/

Foto: Arkivi i MIA-s