Shën Peterbsurg, 25 tetor 2024 (MIA) - Katër persona janë hospitalizuar me lëndime pasi një burrë me thikë i ka sulmuar në një hipermarket në "Bulevadin e astronautëve" në zonën moskovite Shën Petersburg.

I dyshuari është arrestuar, kumtoi shërbimi për shtyp i Komitetit hetues të Rusisë.

"Sipas të dhënave paraprake, sulmuesi sot ka sulmuar vizitorët dhe i ka goditur me thikë në ambientet e shitores 'Okej' në 'Bulevardin e astronautëve'. Katër viktima me lëndime të shkallëve të ndryshme janë dërguar në spital, ku kanë marrë ndihmën mjekësore. I dyshuari është arrestuar në vendin e krimit", theksohet në kumtesë.

Tre të lënduar janë në gjendje të rëndë shëndetësore.

Sipas përfaqësueses zyrtare të Ministrisë së Punëve të Brendshme të Rusisë, Irina Volk, sulmuesi 44 vjeçar, banor lokal, është arrestuar në departamentin e policisë për veprime procedurale. Motivet e veprimeve të tij janë në proces të zbardhjes.

Agjencia e lajmeve ruse publikoi se edhe sulmuesi ishte hospitalizuar, pa precizuar shkaqet për këtë. rq/bsh/

Foto: EPA