Dibër, 8 maj 2024 (MIA) - Dita elektrorale nga rrethi i dytë i zgjedhjeve të shtata me radhë presidenciale, si dhe zgjedhjeve të 11-ta parlamentare, në komunat Dibër dhe Qendër Zhupa, kalon në atmosferë korrekte dhe demokratike, me jehonë të rritur pasdite, konfirmojnë nga komisionet komunale zgjedhore.

Edhe qytetarët që i kemi hasur në vendvotime janë të kënaqur nga rrjedha e votimit, thonë që gjithçka është e organizuar dhe se votimi është e drejtë demokratike dhe secili duhet ta realizojë.

Ndërkaq, sipas KKZ-së, në Komunën e Dibrës, deri në ora 15 të drejtën e votës për zgjedhje presidenciale e kanë realizuar 15 për qind që është për 7 për qind më e vogël jehona krahasuar me rrethin e parë të votimit, kur dalja ka qenë 22 për qind. Në zgjedhjet parlamentare jehona është 23 për qind.

Në Komunën e Qendrës Zhupa, konfirmojnë nga KKZ-të, për zgjedhjet presidenciale kanë votuar 1.014 persona ose 13,74 për qind nga gjithsej 7.368 të regjistruar, që krahasuar me raundin e parë të zgjedhjeve presidenciale, përqindja e pjesëmarrjes është pothuajse e njëjtë, kur ishte 13,11 për qind, ndërsa në zgjedhjet parlamentare votuan 1.005 votues ose 13,64 për qind nga gjithsej 7.383 votues.

Anëtarët e komisioneve vizitojnë rregullisht qendrat e votimit, të cilat gjatë ditës u vizituan edhe nga përfaqësues të misionit vëzhgues të OSBE/ODHIR. mb/

Foto: MIA