Shkup, 18 dhjetor 2024 - Janë realizuar pagesa direkte në vlerë prej 32.732.971,00 denarë për material faror të certifikuar vendas të prodhuar dhe shitur nga gjenerata e parë dhe e dytë për kultura drithërore, foragjere, industriale dhe hortikulturore, njoftoi Ministria e Bujqësisë, Pylltarisë dhe Ekonomisë së Ujërave. 

Përfitues të kësaj nën-mase, siç sqarojnë nga Ministria, janë ekonomitë bujqësore të regjistruara në Regjistrin e Furnizuesve të Materialit Faror që kanë prodhuar dhe shitur material faror në vitin 2023 ose e kanë përdorur për nevojat e tyre, në përputhje me Ligjin për Materialin Faror dhe Mbjellës për Bimët Bujqësore, dhe që kanë marrë certifikatë për farë të certifikuar përfundimtare.

"Janë paguar gjithashtu 7.781.950,00 denarë për prodhimin e materialit faror parathemelor dhe themelor për kultura drithërore. Përfitues të kësaj nën-mase janë ekonomitë bujqësore të regjistruara në Regjistrin e Furnizuesve të Materialit Faror që kanë prodhuar dhe shitur material faror parathemelor dhe themelor për kultura drithërore në vitin 2023, në përputhje me Ligjin për Materialin Faror dhe Mbjellës për Bimët Bujqësore", thuhet në njoftim.

Nga ministria theksojnë se aplikimet për subvencione po përpunohen me një dinamikë të përshpejtuar me qëllim që fermerët dhe blegtorët të kenë mjete të mjaftueshme gjatë sezonit dhe para fillimit të mbjelljeve. qa/

Foto: MBPEU