Tel Aviv, 16 prill 2024 (MIA) - Mediat izraelite raportuan se Izraeli synon të ngrejë 10,000 tenda pranë qytetit Rafah në Rripin jugor të Gazës brenda dy javësh në përgatitje për pushtimin tokësor të qytetit nga armata e tij.

Kanali izraelit Kan raporton se një dokument zyrtar që ka marrë tregon se Izraeli do të ngrejë 10,000 tenda jashtë qytetit Rafah në dy javët e ardhshme dhe se 30,000 tenda të tjera janë aktualisht duke u furnizuar dhe do të vendosen më vonë në atë zonë.

Sipas kanalit, në bazë të orarit (për ngritjen e këtyre tendave), mund të thuhet se rruga për evakuimin e banorëve nga Rafah është ende shumë e gjatë.

Izraeli, sipas zyrtarëve, po këmbëngul në një pushtim të qytetit Rafah, për të cilin pretendon se është bastioni i fundit i Brigadave Al-Kasam të lidhura me Hamasin, pavarësisht nga paralajmërimet në rritje ndërkombëtare për pasojat shkatërruese të sulmit dhe praninë e rreth 1.4 milionë njerëzve të zhvendosur në atë qytet.

Gjatë luftës, Izraeli detyroi shumicën e palestinezëve nga Rripi verior dhe qendror i Gazës të iknin në qytetin Rafah, i cili ndodhet në kufirin me Egjiptin.

Kanali Kan raportoi se në fillim të kësaj jave, armata izraelite kishte synuar të lëshonte fletushka nga ajri në Rafah duke i kërkuar popullatës së saj të evakuohej, por kryeministri izraelit Benjamin Netanjahu vendosi në minutën e fundit të shtyjë lëvizjen dhe të informojë ministrin për kabinetin ushtarak për vendimin, sipas të njëjtit burim.

Kanali e lidhi vonesën e Netanjahut në pushtimin tokësor të Rafah me dëshirën e tij për të marrë mbështetjen e plotë të SHBA-së për sulmin iranian, i cili lëshoi ​​qindra raketa dhe drone në Izrael të shtunën mbrëma.

Kanali kujtoi se SHBA, siç dihet, kundërshtojnë me forcë operacionin e planifikuar izraelit në Rafah. sa/

Foto: Arkivi i MIA-s