Doha, 3 janar 2025 (MIA) - Izraeli dhe Hamasi planifikojnë të dërgojnë negociatorë në Katar dhe t'i vazhdojnë bisedimet për armëpushim dhe lirimin e pengjeve në Gazë.

Shteti i Gjirit, së bashku me SHBA-në dhe Egjiptin, po ndërmjetëson në bisedimet ,sepse Izraeli dhe grupi militant palestinez Hamas refuzojnë të bisedojnë drejtpërdrejt.   

Kryeministri izraelit Benjamin Netanjahu miratoi dërgimin e një delegacioni negocues. Hamasi bëri të ditur se planifikon të dërgojë negociues të tij, ndërsa një funksionar i lartë i grupit shprehu optimizëm. 

"Ekzistojnë perspektiva të mira që këtë herë negociatat të jenë të suksesshme", deklaroi Musa Abu Marsuk për organizatën e Katarit Al-Arabi Al-Xhadid.

Ai nuk ka zbuluar se në çfarë e bazon optimizmin e tij. Do të jetë e vështirë të arrihet një kompromis, sepse si Izraeli  dhe Hamasi duan të mes vete të shkatërrohen. 

  Izraeli po kërkon një listë me emrat e pengjeve të gjallë të kapur në Gazë. Hamasi ka njoftuar se i duhet një pauzë në luftime për të përcaktuar vendndodhjen dhe shëndetin e pengjeve,  që Izraeli e sheh si një justifikim, transmetojnë mediat.

 Lufta filloi me një sulm të Hamasit ndaj Izraelit më 7 tetor të vitit 2023, ku humbën jetën  rreth 1.200 njerëz dhe u rrëmbyen rreth 250.

Sipas të dhënave palestineze,  që nga fillimi i luftës në Gazë janë vrarë mbi  45.500 persona. 

  Foto: Arkivi i MIA-s